Heinrich Küver

Vun Wikipedia

Heinrich Küver (* 10. Dezember 1889 in Helmworth; † 5. Juni 1983 in Steenau) weer en neddersassischen Politiker (DHP/DP) un Maat von’n Landdag von Neddersassen.

Leven[ännern | Bornkood ännern]

Küver is 1889 in Helmworth boren. Na de Volksschool weer Küver op de landweertschopliche Fortbildungsschool un hett denn in de Bueree arbeidt. 1909 hett he sien Deenst bi dat Infanterie-Regiment 31 in Altno anfungen. In’n Eersten Weltkrieg weer he von 1914 bet 1918 Soldaat. He keem 1918 in engelsche Kriegsfungenschop, un is dor bet 1919 in bleven. Nadem he wedder trügg weer, is he 1920 Kreisvörsitter von de Düütsch-Hannöversche Partei (DHP) worrn. Küver hett as Gegner von’n Natschonalsozialismus na de Machtergreifung 1933 all sien Ämter verloren. Na’n Tweten Weltkrieg is he 1945 Börgermeester von Helmworth worrn. Von 1946 af an weer he Kreisvörsitter von de NLP/DP. Küver weer Vörsitter von’n Imkervereen Hadeln un von de Meiereegenossenschaft von Helmworth. Ok in’n Kreiskarkenvörstand weer he Maat.

Küver is 1946 Maat von’n Kreisdag worrn un 1948 Landraad von’n Kreis Land Hadeln. In de eersten Wahlperiood weer he von’n 28. November 1948 bet to’n 30. April 1951 Maat von’n Landdag von Neddersassen (nadem Heinrich Meyer in’n Juni 1948 doodbleven is). In de twete Wahlperiood weer he von’n 16. April 1953 bet to’n 5. Mai 1955 in’n Landdag, nadem Servais Cabolet sien Sozialistische Riekspartei (SRP) verbaden worrn is. Cabolet müss sien Mandaat an’n 23. Oktober 1952 afgeven un Küver is an’n 16. April 1953 narückt. He weer denn in de DP/CDU-Frakschoon.

Weblenken[ännern | Bornkood ännern]