Heemkenkakerlaken

Vun Wikipedia
Heemkenkakerlaken
Grylloblatta sp.
Systematik
Stamm: Liddfööt (Arthopoda)
Ünnerstamm: Tracheendeerter (Tracheata)
Böverklass: Sessfööt (Hexapoda)
Klass: Insekten (Insecta)
Ünnerklass: Fleeginsekten (Pterygota)
Böverornen: Neeflunken (Neoptera)
Ornen: Heemkenkakerlaken (Notoptera)
Wetenschoplich Naam
Notoptera;Grylloblattodea
Crampton, 1915

Heemkenkakerlaken (Notoptera oder Grylloblattodea) sünd en Ornen vun Insekten. Se sünd eerst in de eerste Hälft vun dat 20. Johrhunnert in de Rocky Mountains in Kanada funnen wurrn. Midderwielen sünd mehr as 20 Aarden beschreven wurrn, de all in Oostasien, Japan un Noordamerika leven doot, de meisten vun jem in'e Barge.[1] Dor hannelt sik dat um en lüttje Gruppen vun Insekten bi, de good in en extrem Umto torechtkaamt un in de Barge overleven könnt. Utsehn doot all Aarden, as wenn Haupeer mit Wanneltwiege un Wannelblöder krüüzt wurrn weern.

Wie se leven doot[ännern | Bornkood ännern]

Düsse Insekten weert 1, 2 oder 3 cm lang un hefft keen Flunken. Se könnt unner extreme Umstänn in kole Barggemarken overleven. Se sünd in'e Nacht togange un freet dode oder verwunnte Deerter, man ok Moss oder annere Planten. Se ännert ehre Gestalt bi dat Utwassen man bloß to'n Deel. Ehre Ogen staht tosamen un de Mundwarktüge sünd man eenfach.

Wie se sik vermehrt[ännern | Bornkood ännern]

De Eier weert erst 2 Maande na de Paarung afleggt. Dat duert fiev Johre, bit de Nymphen utwussen sünd.

Wo se vorkamen doot[ännern | Bornkood ännern]

Düsse Deerter leevt in de kulleren Gemarken up de nöördliche Halfkogel in Höhlen un Holtrottels.

Kiek ok bi[ännern | Bornkood ännern]

Literatur[ännern | Bornkood ännern]

  • Bernhard Klausnitzer: Notoptera (Grylloblattodea), Grillenschaben. In Westheide, Rieger (Rutg.): Spezielle Zoologie Teil 1: Einzeller und Wirbellose Tiere. Gustav Fischer Verlag, Stuttgart, Jena 1997; Sieten 637–638.

Belege[ännern | Bornkood ännern]

  1. K. Günther, H.-J. Hannemann, F. Hieke, E. Königsmann & H. Schuman: Urania Tierreich - Insekten. Urania-Verlag, Leipzig, Jena, Berlin 1994, ISBN 3-332-00498-0

Weblenken[ännern | Bornkood ännern]

Heemkenkakerlaken. Mehr Biller, Videos oder Audiodateien to’t Thema gifft dat bi Wikimedia Commons.