Harmsborger Misschoon

Vun Wikipedia
Wesseln na: Navigatschoon, Söök

De Harmsborger Misschoon is en Sellschap för de Misschoon vun den Gloven an Jesus Christus in de ganze Welt.

Historie[ännern | Bornkood ännern]

De Harmsborger Misschoon is vun den lutherschen Paster Louis Harms an'n 12. Oktober 1849 in Harmsborg in de Lüünborger Heid grünnt wurr. Dat füng dormols an mit twölf junge Mannslüde, de to Misschonaren utbillt wurrn sünd. De Misschoon is vun Indien bit nah de Innuit hen unnerwegens ween un hett sogor en egen Schipp redert. Dat weer dat Misschoonsschipp Kandaze mit den Ökelnaam „Königin Kandaze“.

Louis Harms hett bit hen nah de Patriziers in Hamborg de rieken Lüde oorntlich tosett, dat se to de Arbeit vun de Misschoon wat tobottern schollen. He hett allerhand Heidjers, de anners nix üm'e Ohren harrn, to verstännige Mischonaren rantagen. Dorbi güng em dat rein gornich üm Kolonisatschoon.

Vundaag[ännern | Bornkood ännern]

Hüdigendags gifft dat de Misschoon jümmers noch in Harmsborg. Se heet nu „Evangeelsch-Luthersch Misschoonswark in Neddersassen“ (ELM). En ganzen Barg Misschonaren arbeit in Afrika, Süüdamerika, Indien un in Sibirien. Dor sünd Mannslüde ok Froonslüde bi. Achter dat Misschoonswark staht hüttodaags de Landskarken vun Hannober, vun Bruunswiek un vun Schaumborg-Lippe. Man de Arbeit warrt ok to'n groden Deel betahlt vun allerhand Spennen, de ut Harmsborg un umto kaamt. In Harmsborg (dicht bi Eschede ünnerhöllt de Sellschap en Misschoonsseminar, en Huus mit Restaurant (Louis-Harms-Huus), wo een ok mol en poor Daag tohopenkamen kann, un en lüttjet Museum. Vun 2004 af an is de Pastoorsche Martina Helmer Pham-Xuan Baas vun dat Misschoonshuus.

Weblinks[ännern | Bornkood ännern]