Harle
De Harle is en lütten Stroom in de Landkreis Wittmund in Oostfreesland. Se liggt vullstännig up dat Rebeet vun de Stadt Wittmund un mündt in de Oortsdeel Harlesiel dör en Siel in de Noordsee. Dicht bi de Wittmunder Stadtdeel Willen flooten de twee Bornarms Nörderdeep un Süüderdeep to de Harle tosommen. Bi all twee Toströöms hannelt sück dat um Bäken, de hör Oorsprungs in Moorniederungen hebbt. Nörderdeep un Süüderdeep hebbt hör Born in de Nahberstadt Auerk.
De Harle verlöppt ööstlich an de Wittmunder Karnstadt vorbi un löppt denn mäandrierend in Richtung Nörden. Se löppt den dör den Stadtdeel Carolinensiel un mündt dör en Schlüüss un en Schöppwark in den Harlesieler Haben un vun dor in de Noordsee.
Touristisch is de Harle as Paddelrevier un in de Haben vun Carolinensiel as ok Harlesiel ok för den Boots- und Fährverkehr vun Bedüüden. Harlesiel is Fähroort to dat Eiland Wangeroog.
Weblinks[ännern | Bornkood ännern]
- De Harle (PDF, 117 kB)