Hardy Krüger

Vun Wikipedia
Wesseln na: Navigatschoon, Söök
Hardy Krüger, 2013

Hardy Krüger (* 12. April 1928 in Berlin-Wedding; an sik Franz Eberhard August Krüger) is en düütschen Filmschauspeler un Schriever[1].

Leven[ännern | Bornkood ännern]

Krüger is de Söhn vun den Ingenieur May Krüger. Sien Kindheit hett he in Berlin-Biesdorf verleevt. In’t Öller vun 13 Johren keem he 1941 op de Adolf-Hitler-School vun de Ordensborg Sonthofen. [1] Dor weer he bit 1944 för en tokamen högere Positschoon in’n NS-Staat optogen. Vun Beroop wull he Ingenieur warrn, as sien Vadder.

Wiel sien School tiet in Sonthofen is he 1943 utwählt worrn, as Dorsteller vun Pimpf Bäumchen an den NS-Film Junge Adler mittospelen. Dat hett sien tokamen Leven prägt. Eerst weer he en övertügten Adolf-Hitler-Schöler, man denn hett he bi de Dreiharbeiten in de UFA-Studios in Babelsberg Albert Florath un Hans Söhnker kennenlehrt, de ünner grote Gefohren Jöden de Flucht mööglich maakt hebbt un em verklort hebbt, wat dat mit dat Hitler-Regime op sik harr.

As he 16 weer[1] is he in de letzten Phaas vun’n Tweeten Weltkrieg in’n März 1945 in de Wapen-SS-Division „Nibelungen“ intogen[2] un in gresige Kämp verwickelt. 1945 keem he in Tirol in US-amerikaansche Kriegsfangenschop.

Op Anraden vun Wolfgang Liebeneiner is he na sien Torüchkehr na Huss Statist an’t Hamborger Schauspeelhuss worrn un arbeit gliektietig as Spreker bi’n dormoligen NWDR. As he na Hannober wesselt is, stell sik bald sien Talent as Schauspeler rut.

In de Nakriegstiet weer he een vun de wenigen düütschen Schauspelers, de internatschonal Spood harrn. Bit in de 1980er Johren hett he an tallrieke Produkschonen mitwirkt, as in Hatari, The Flight of the Phoenix, The One That Got Away, The Wild Geese un vele mehr. Faken speel he de Rull vun en düütschen Weltkriegssoldaten (t. B. in A Bridge Too Far). Aver faken harr he dat Glück de positiven Rullen to spelen, de för dat „go’e Düütschland“ stünnen. In Düütschland is Krüger ok ut sien Reisegeschichten in Hardys Bordbuch bekannt worrn, de he Enn vun de 1980er Johren in sien Feernsehreeg Weltenbummler wieterföhrt hett.

1970 füng he mit de Schrieveree en tweete Loopbahn an. He hett mehrere Romanen, Vertellsels un Begeevnisberichten publizeert, in de sien sien rieken Insichten as veel reisten Kosmoploiten inbringen künn.

Al 1945, as he 17 weer, is Kürger Vadder worrn (vun sien Dochter Christiane Krüger). Vun 1950 bit 1964 weer he mit de Mudder vun sien Dochter, Renate Densow, verheiraat. Sien tweete Ehfro weer vun 1964 bit 1977 de italieensche Malersche Francesca Marazzi. Siet 1978 leevt he in drüdde Eh mit de US-Amerikanerin Anita Park in de kalifornischen Bargen oder in Hamborg tohopen. Ut siene tweete Eh hett he siene Kinner Malaika Krüger (*1967) un Hardy Krüger jr. (*1968), de ok Schauspelers worrn sünd.

Filmografie (Utwahl)[ännern | Bornkood ännern]

Johr Titel
1944 Junge Adler
1950 Das Mädchen aus der Südsee
1952 Alle kann ich nicht heiraten
1953 Muß man sich gleich scheiden lassen?
1953 Ich und Du
1953 Die Jungfrau auf dem Dach
1956 Die Christel von der Post
1957 Der Fuchs von Paris
1957 The One That Got Away
dt.: Einer kam durch
1958 Bachelor of Hearts
dt.: Mit dem Kopf durch die Wand
1959 Der Rest ist Schweigen
1959 Blind Date
dt.: Alles spricht gegen Van Rooyen
1960 Un taxi pour Tobrouk
dt.: Taxi nach Tobruk
1961 Zwei unter Millionen
1962 Hatari!
1962 Les dimanches de Ville d’Avray
dt.: Sonntage mit Sybill
1965 Le chant du monde
dt.: Und die Wälder werden schweigen
1965 The Flight of the Phoenix
dt.: Der Flug des Phoenix
1966 The Defector
dt.: Lautlose Waffen
1967 La grande sauterelle
dt.: Ein Mädchen wie das Meer
1969 La monaca di Monza
dt.: Die Nonne von Monza
1969 Bitka na Neretvi
dt.: Die Schlacht an der Neretva
1969 The Secret of Santa Vittoria
dt.: Das Geheimnis von Santa Vittoria
1969 Krasnaya palatka
dt.: Das rote Zelt
1975 Paper Tiger
dt.: Bradbury
1976 Potato Fritz
1977 A Bridge Too Far
dt.: Die Brücke von Arnheim
1978 The Wild Geese
dt.: Die Wildgänse kommen
1978 Blue Fin
dt.: Die Sturmfahrt der Blue Fin
1984 Slagskämpen
dt.: Der Mann aus der Kälte

Utteken[ännern | Bornkood ännern]

Hardy Krüger is en poor molen für siene Filmwarken un ok doröver rut ehrt worrn, dorünenr ok eenmol för den Golden Globe Award för sien Rull in The Flight of the Phoenix. Uttekent worrn is he mit:

Butendem is he 2009 mit dat Grote Verdeenstkrüüz vun de Budnsrepubliek Düütschland uttekent worrn.

Publikatschonen (Utwahl)[ännern | Bornkood ännern]

  • Eine Farm in Afrika, 1970
  • Sawimbulu, 1971
  • Die Kinder von der Kastner-Farm, 1973
  • Wer stehend stirbt, lebt länger, Roman, 1973
  • Schallmauer, Roman, 1978
  • Die Frau des Griechen, Erzählungen, 1980
  • Junge Unrast, Roman, 1983
  • Sibirienfahrt. Tagebuch einer Reise, 1987
  • Frühstück mit Theodore, Roman, 1990
  • Wanderjahre. Begegnungen eines jungen Schauspielers, 1998
  • Szenen eines Clowns, 2001
  • Die andere Seite der Sonne, 2007
  • Zarte Blume Hoffnung, 2005
  • Weltenbummler I - III, ?

Nawiesen[ännern | Bornkood ännern]

  1. 1,0 1,1 1,2 Harald Ruppert: Der große Schauspieler und Autor las in der Buchhandlung Ravensbuch in Friedrichshafen aus seinen Büchern. Hardy Krüger reicht Hemingway die Hände. In: Südkurier vun’n 8. Dezember 2008
  2. Hardy Krüger op bild.de över sien Tohörgkeit to de Wapen-SS

Weblenken[ännern | Bornkood ännern]

Commons-logo.svg Hardy Krüger. Mehr Biller, Videos oder Audiodateien to’t Thema gifft dat bi Wikimedia Commons.