Happening

Vun Wikipedia
Wesseln na: Navigatschoon, Söök

Dat Happening is, blangen Fluxus, en vun de wichtigsten Formen vun de Aktschoonskunst vun de 1960er Johre. En Happening passeert ut’e Hand direktemang mit dat Publikum. Een vun de fröhen Formen vun dat Happening is de décollage. Dor höört dat Smieten vun Saken in dat Publikum to, Exhibitschonismus, oorntlich Rumkleien mit Bloot un Farv, Kaputtmaken, Tweirieten un Schietigmaken vun Saken. Dor geiht dat dor bi um, dör unnerscheedliche Aktschonen en Schock bi dat Publikum ut to lösen. So warrt dat Publikum en Deel vun de ganze Angelegenheit un kiekt nich blot to. Wie dat Happening akraat aflopen deit, steiht nich vörweg fast. Je nadem, wie dat Publikum reageern deit, kann so oder so ut’e Hand wietermaakt weern. Man up de annere Siet sünd Happenings faken nich heel un deel ut’e Hand speelt, meist weert se toeerst mol dörproovt. Ok de Tied, wie lang en Happening duert, steiht normolerwiese nich fast. Faken weet dat Publikum nich mol, wonnehr de Saak toenn is.

Historie[ännern | Bornkood ännern]

De Begreep is in de Praxis dat eerste Mol 1959 vun Allan Kaprow anwennt wurrn for en Aktschoon in de Reuben Gallery in New York. Düsse Aktschoon bestunn ut 18 Happenings in sess Deele. Dat geev dree Kamern, de dör en Plastikfolie vun’anner aftrennt weern un wo to desülvige Tied wat in passeern dö. Kaprow harr den Begreep al in sie Upsatz „The Legacy of Jackson Pollock“ bruukt, de 1958 rutkamen weer. Dor hett he en Prognoos afgeven for de Kunst in de Generatschoon na Pollock.

De Happening-Künstlers harrn dat dor up afsehn, den traditschonellen Begreep vun Kunst wat wieter to maken un de Kunst mit dat Alldagsleven tohopen to bringen. Dor schollen de Minschen sehn, wat in’n Alldag en Rull speelt un so schollen se den Alldag, dör de Kunst in en frömme Gestalt, beter verstohn. De Grenz twuschen Fluxus un Happening is nich akraat fast to setten, vunwegen dat en poor Künstlers bi beide Aktschoonsformen mitmaakt hefft.

Bekannte Happening-Aktschonisten[ännern | Bornkood ännern]

Allan Kaprow, John Cage, George Brecht, Joseph Beuys, Bazon Brock, Wolf Vostell, Yoko Ono, Nam June Paik, Claes Oldenburg, Robin Page, Robert Whitman, Robert Rauschenberg, Red Grooms, Jim Dine, Al Hansen, Robert Jasper Grootveld.

Literatur[ännern | Bornkood ännern]

  • Kurt Holl/Claudia Glunz, 1968 am Rhein: Satisfaction und Ruhender Verkehr. ISBN 978-3-932050-11-4
  • Marlen Vogel,Das illusorische Theater und die Kunstbewegungen Happening und Fluxus. ISBN 978-3-638-67102-6
  • Günter Herzog, Auf Strassen und Plätzen, Verlag für Moderne Kunst, Sediment 2007, ISBN 978-3-939738-61-9
  • Jose Antonio Agúndez, 10 Happenings von Wolf Vostell, ISBN 84-7671-510-2
  • Experimentelles Theater - Fluxus - Happening - Performance, ASIN B0001D0MZY

Belege[ännern | Bornkood ännern]


Weblenken[ännern | Bornkood ännern]

Kiek ok bi[ännern | Bornkood ännern]