Hans Eck

Vun Wikipedia

Hans Eck (* 20. August 1925 in Horborg) is en dütschen Politiker von de CDU.

Eck is 1925 in Horborg boren. He weer op de Volksschool, denn op de Realschool un later op de Oberrealschool. Von 1943 bet 1945 weer he Soldaat in’n Tweten Weltkrieg un is twee Maal swoor verwunnt worrn. Na’n Krieg weer he fre’en Journalist un is 1949 as Redaktör anstellt worrn. 1957 is Eck in’n Neddersassischen Footballverband Vörsitter för’n Landkreis Horborg worrn. 1964 is he ok Vörsitter von’n Turn- un Sportbund in’n Landkreis Horborg worrn. In’n Bezirk Lümborg weer he Viez-Vörsitter von’n Footballverband.

Eck is 1966 in de CDU rin. He weer Maat von’n Sportbiraad von de CDU in Neddersassen un Viez-Vörsitter von’n CDU-Sportbiraad in’n Bezirk Lümborg.

Eck weer von’n 6. Juni 1967 bet 20. Juni 1970 (sösste Wahlperiood) för den Wahlkreis Winsen Maat von’n Landdag von Neddersassen. In de CDU-Frakschoon weer he bet to’n 24. Januar 1970. Na disse Tied weer he Afornten ahn Frakschoon.