Hamm-Oost-Kanaal

Vun Wikipedia
Wesseln na: Navigatschoon, Söök
Hamm-Oost-Kanaal bi Findörp
Klappstau an’n Hamm-Oost-Kanaal bi Findörp

De Hamm-Oost-Kanaal oder Oost-Hamm-Kanaal is en 19 km langen Kanaal in Noorddüütschland, de de Oost mit de Hamm verbinnen deit. He geiht bi Sprekens veer Kilometer baven Bremervöör von de Oost af un löppt dör dat Düvelsmoor un dör Gnarrenborg, bet he bi Viehspecken an de Hamm rangeiht. Dat Stück dicht bi de Hamm heet ok Kollbeek.

De Kanaal is twischen 1769 un 1790 von Jürgen Christian Findörp boot worrn un schull helpen, dat Water ut dat Düvelsmoor wegtoschaffen. De Kanaal weer aver ok för den Frachtverkehr (vör allen Törf na Bremen un Hamborg) op Bullen. Dat hett temlich lang duurt, den Kanaal to boon, vonwegen den modderigen Moorbodden, de faken wedder nasacken dee. De Kanaal müss denn jümmer wedder utgraavt warrn.

De Kanaal is an’n Grund veer Meter breed wesen un över Water söss Meter. De Deepgang weer 90 Zentimeter. Vondaag warrt de Kanaal aver nich mehr as Waterstraat pleegt. Bloot de Staus warrt noch pleegt, so dat een mit Kanu etc. den Kanaal bruken kann.

De Kanaal hetten Afströömrebeed von 20 km².[1]

Footnoten[ännern | Bornkood ännern]

  1. Michael Bergemann: Gesamtliste der Fließgewässer im Elbeeinzugsgebiet. 2012


Koordinaten:53° 19′ N, 8° 57′ O