Hüttenroe

Vun Wikipedia
Wesseln na: Navigatschoon, Söök
Wapen/Flagg Koort
Wapen vun Hüttenroe
Hüttenroe
Laag vun Hüttenroe in Düütschland
Basisdaten
Verwaltungsgemeenschop: Blankenborg
Landkreis: Harz
Bundsland: Sassen-Anhalt
Flach: 18,63 km²
Inwahners: 1.191 (2006-12-3131. Dezember 2006)
Inwahnerdicht: 63,9 Inwahners pro km²
Hööchd: 501 m över de See
Postleettall: 38889
Vörwahl: 03944
Geograafsche Laag:
Koordinaten:51° 46′ N, 10° 54′ O
51° 46′ N, 10° 54′ O
Gemeenslötel: 15 0 85 180
Öörd in de Gemeen: 1
Börgermeester: Andreas Pawel
Websteed: www.blankenburg.de

Hüttenroe is ene Gemeen in’n Landkreis Harz in Sassen-Anhalt. Dat Dörp hett bi 1200 Inwahners.

Historie[ännern | Bornkood ännern]

Dat eerste Maal in de Oorkunnen vör kummt Hüttenroe an’n 22. Juli 1133 as de Bischop Otto vun Halwerstadt dat Sticht St. Johann dreeeenhalf Hoven Land in Halwerstadt un veer Hoven in Hüttenroe (Hiddenroht) schenkt.

De Inwahners vun Hüttenroe hebbt den Ökelnaam Stumpeldumen. Vör lange Tiet, so geiht de Geschicht, schall een bi’t Swienhöden bi de Grenz vun Hüttenroe na Elljeroe de ole gollene Karkenklock vun dat fröhere Dörp Ertfelle funnen hebben. Nu weren Buurn ut beide Dörper in de Neegd togang un mank jem güng dat man glieks los, ’keen schull de Klock kriegen? Se möken also af, dat se sik annern morgen Klock söss wedder bi de Klock drepen wullen. Un so güngen se dor vun af. Annern morgen weren de Lüüd ut Hüttenroe Klock söss bi de Klock. Blot vun de Lüüd ut Elljeroe weer nix to sehn. Kemen un kemen nich. Harrn verslapen. Do hebbt de Hüttenroer de Klock op jemehrn Wagen stellt un sünd mit de Klock lostagen. So op halven Weg kemen dor aver opmal de Elljeroer op Sicht. Mit halsbrekern Tempo jagen se de Hüttenroer achterher un wullen jem inhalen. Do müssen de Hüttenroer sik spoden. Doch, ach je, jüst do dee sik an’t achtere Rad en Splint lösen. Wenn dat Rad nu rafpultern dee, denn harrn de Elljeroers jem kregen. Aver plietsch as se sünd, do steek een vun de Hüttenroers sien Duum in’t Lock un so kunnen se ganz na Hüttenroe trüchkamen un de Elljeroers hebbt jem nich mehr kregen. Blot de arme Stackel, de mit sien Duum den Wagen an’t Lopen hollen harr, de mark nu mit groot Weehdaag, dat vun sien Duum man blot noch en Stumpel nableven weer. Vun de Tiet an harrn de Hüttenroer jemehrn Naam Stumpeldumen weg un de Elljeroers, de to laat kamen weren, heten nu jümmer Langeschläpers.

Weblenken[ännern | Bornkood ännern]