Gustav Neumann

Vun Wikipedia
Wesseln na: Navigatschoon, Söök

Gustav Richard Ludwig Neumann (* 15. Dezember 1838 in Gleiwitz; † 16. Februar 1881 in Allenberg, Kreis Wehlau / Oostpreußen) weer en bedüüdend düütsch Schachspeler.

Neumann in de 1860er Johren

Neumann keem in Gleiwitz as Söhn vun en Drucker 1838 up de Welt. Sien Familie hett hüm en Studium der Physik un Chemie in Berlin ermöglicht, he hett sück aber, jüst as he in Berlin ankommen weer, glieks up dat Schachspeel stött. Hüüd kennt meest nüms mehr Gustav Neumann, to sien Tied weer he aber en bedüüdend Schachmeester. In sien Berliner Tiet, den 1860er Johren vun dat 19. Johrhunnert, speel he tegen de best düütsch Spelers. Adolf Anderssen akzepteer hüm to sien Berlinbesöken jeeds Johr geern as Gegner. In dat Johr 1865 wunn Neumann dat Turnier von de Berliner Schachgesellschaft mit dat Resultat vun (+34-0=0). In dat glieker Johr bi de Kongress vun de Westdüütsche Schachbund in Elberfeld hett he ok all Partien wunnen un weer dormit Meester.

Vun disse Tiet an gell Neumann as en vun de beste Speler in Europa un bold fung he an, ok an internatschonale Wettstrieden deeltonemmen. Sien internatschonal Debüt geev he in Paris 1867 (4. Platz). In dat glieker Johr wunn he dat Turnier vun Dundee (Tweet wurr Wilhelm Steinitz). Neumann övernehm in Berlin in 1864 de Redaktschoon vun de Neue Berliner Schachzeitung un bedeelig sück rege up publizistisch Rebeet. Sien in de folgend Johren rutkommen Schachböker weer bannig beliebt un wurrn in tallriek Spraken översett.

In dat Johr 1869 gung Neumann nah Paris, um dor sien Studium aftosluuten. Aber dorto keem dat denn doch nich. In’ Dezember 1969 kreeg he en Nerventosommenbrook un wurr in en Pariser Nervenanstalt inwiest. In’ März 1870 keem he mit Hülp vun sien Frünnen weer nah Düütschland, aber de Nervenerkrankung bleev un bit to dat Ennen vun sien Leven har he noch völ Pien un Klinikupenhollen to överstahn. He nehm aber trotzdem, so sien Krankheet dat denn tolaten de, an Schachwettstrieden deel: 1870 wurr he in Baden-Baden Daart (he kunn tegen Adolf Anderssen 2-0 winnen). Sien letzt Turnier speel he 1872 in Altona, wo he den tweeten Platz kreeg noch vör Carl Göring. Aber sien Krankheet wurr immer schlimmer un he muss dat Schachspelen upgeven. He is mit 42 Johr 1881 in Allenberg storven.

Gustav Neumanns hööchst historsch Elo-Tall bedrog 2742. De harr he in Oktober 1867. Van Dezember 1868 bit Mai 1870 leeg he up Platz een up de nahdräglich berekend Weltranglist.

Warken[ännern | Bornkood ännern]

  • Die neueste Theorie und Praxis des Schachspieles (1864) (zusammen mit B. Suhle)
  • Leitfaden für Anfänger im Schachspiel (1865),
  • A. Anderssens Schachpartien aus den Jahren 1864 und 1865 (1865)
  • Das Schachspiel und seine Abarten (1866)

Weblenken[ännern | Bornkood ännern]

De Entwicklung vun sien historsch Elo-Tall.