Grundschool Himmelpoorten

Vun Wikipedia

De Grundschool Himmelpoorten is en Grundschool in dat Dörp Himmelpoorten in’n Landkreis Stood. Dreger is de Samtgemeen Olendörp-Himmelpoorten. De School liggt an de Poststraat. Dor gaht de Schölers ut de Gemenen Himmelpoorten, Engelschopp un Grootweurn hen (ut de Dörper Himmelpoorten, Kuhla, Bredenwisch, Engelschopp, Neeland, Hammohermoor un Grootweurn). De School hett üm un bi 320 Schölers un 22 Schoolmeesters (Stand 2010).[1]

Na de Grundschool gaht de Schölers denn op Haupt- un Realschool na de Porta-Coeli-School in Himmelpoorten, op Gymnasium na’n Gymnasialtwieg von de Porta-Coeli-School oder na de Vincent-Lübeck-School in Stood.

De School is 1973 grünnt worrn, as de Grundschool von de Middelpunktschool aftrennt worrn is. Von 1974 af an sünd de Schölers von de 4. Klass ut Neeland un Grootweurn na Himmelpoorten gahn un von 1975 af an ok de ganze Rest un de ole Volksschool in Grootweurn is oplööst worrn. 1975 is de School denn ok in dat hüdige Gebüüd in de Poststraat tagen.

Von 2002 af an weer dat en Verlässliche Grundschool.

Schoolbaas[ännern | Bornkood ännern]

  • ~1975: Wilhelm Lüttig
  • 1. August 1983-31. Januar 2013: Egon Brandt (bet 1984 kommissarsch)
  • 1. Februar 2013-: Franz Schmitz-Kerckhoff (bet Mai 2013 kommissarsch)

Footnoten[ännern | Bornkood ännern]

  1. http://www.gs-himmelpforten.de/unsere-schule/articles/das-sind-wir.html

Weblenken[ännern | Bornkood ännern]


Koordinaten:53° 37′ N, 9° 19′ O