Groep fan Auwerk
De Groep fan Auwerk (Grupp van Auerk) is een Organisatschoon van natschoonaale Fresen för heel Freesland. De Grupp warkt in de Maneer van en alternative Akschoonsgrupp.
Historie un politisch Wark [ännern]
De Groep fan Auwerk worr 2003 grünnt. De Wutteln van de Grupp sünd bi Fresen in de Nedderlannen. De Grupp hett sik Auerk as Symbool utsöcht, ümdat daar fröer de Upstalsboom (Dingstee van de frigen freesken Seelannen) was. De Grupp will, dat dat Fresendum as egen Natschonalität neven de nedderlannsche un de dütske Staatsbörgerskupp estemeert warrd. 2005 hett de Grupp in de nedderlannsche Provinz Freesland een Andrag upp freeske Staatsbörgerskupp stellt. Bi een Aktion worrn Euro-Afteken an de Kaars in FRL för Freesland ännert. In Neddersassen bestait De Group van Auwerk upp de Ünnerscheed tüsken Fresen un Sassen in Neddersassen un will Schillers van dat "Land Niedersachsen" in "Oost-Fryslond" ännern laten (so bi een Aktion an de Autobaan bi Bunde).
Freesk Flagg [ännern]
De Groep fan Auwerk hett 2006 een egen freesk Flagg (interfreesk Flagg) för heel Freesland vörslaan (in de Aart van de Noordlandflagg för all Plattdüütschen tohoop). De Flagg is een skandinaavsch Krüüz met Klören van de männi Freeslannen un Seerosenbläders van de Flagg van de westfreeske Provinz Fryslan.
