Gregor Braun

Vun Wikipedia
Wesseln na: Navigatschoon, Söök

Gregor Braun (* 31. Dezember 1955 in Neestadt an de Wienstraat) weer in de 1970er- un 1980er-Johren en spoodriek düütsch Radrennfohrer. „De Bor vun de Wienstraat“ wurr 1976 in Montreal tweefak Olympiasieger in de Eenerverfolgung un in de Veerer-Mannschapsverfolgung.

He weer hööftsächlich in de Bahnradsport tätig. Tosommen un tegen Dietrich Thurau weer he een vun de bekanntest Fohrer un se hebbt sück völ Kämpfe lefert. Beid hörrn ok to de beröhmte Kilian-Veerer, to de ok de Fohrer Udo Hempel, Hans Lutz, Günther Schumacher un Peter Vonhof hörrn. Thurau wessel aber 1975 to de Profis un Braun wurr de zentraal Figur in de düütsche Bahnradsport, wat he ok mit de Olympiasiege 1976 bewiesen kunn.

1977 wurr Braun aber ok Profi un kunn en Johr later dat Eendagsrennen Rund um den Henninger Turm. 1980 wunn he de Düütschland-Rundfohrt un wurr dorbi sogor Tweet in de Bargwertung. Bi de Giro d’Italia 1981 övernehm Braun nah de tweete Etappe vun Bibione nah Ferrara över 211 km dat Rosa Trikot un övergeev dat an’n nächsten Dag an sien Famcucine-Teamkollegen un Kaptän Francesco Moser. 1982 nehm he to’n eenzigen Mal an de Tour de France deel, muss aber nah de achte Etappe upgeven. En Etappensieg gelung hüm 1983 bi de Giro d´Italia.

Enn’ 1984 is he vun de aktiv Radsport torüchtreden. Hüüd bedrifft he mit Heinz Betz in Bad Wildbad en Radsportdeenstleitungsfirma.

Erfolge un Utteknungen[ännern | Bornkood ännern]

  • 1975 Weltmeister Veerer-Mannschapsverfolgung 4000m
  • 1976 Olympiasieger Eenerverfolgung 4000m
  • 1976 Olympiasieger Veerer-Mannschapsverfolgung 4000m
  • 1976 Sportler des Jahres
  • 1976, 1978, 1980 Radsportler des Jahres
  • 1977 Weltmeieter Profi-Eenerverfolgung 5000m
  • 1978, 1980, 1983 Düütsch Profimeister Straaat
  • 1978 Weltmeester Profi-Eenerverfolgung 5000m
  • 1979 Europameester Tweeer-Mannschap
  • 1980 Winner Düütschland Rundfohrt
  • 1980 1983 Winner Sardinien Rundfohrt un Tre Valle Varese
  • 1978 Winner Rund um den Henninger Turm
  • 1983 1 Etappensieg Giro d'Italia
  • 1981 Dräger Rosa Trikot Giro d'Italia
  • 1978 3. Flannernrundfohrt
  • 1982 3. Paris-Roubaix
  • 1982 3. Amstel Gold Race
  • 11fak Winner 6-Daag-Rennen

Weblenken[ännern | Bornkood ännern]