Great Yarmouth

Vun Wikipedia
Wesseln na: Navigatschoon, Söök

Great Yarmouth (Yarmouth) is en Stadt in de Gemeen Great Yarmouth in de Graafschop Norfolk in England.

De Stadt liggt an de Küst un is ok de Seet vun’t Gemeenverwalten. Siet 1860 is dat en Seebad mit Strand. Se is de östelkste Stadt in de Graafschop, in den Süüdossen vun Norfolk. Great Yarmouth liggt 20 km oosten vun Norwich un 18 km nörden vun Lowestoft. Dor läwen 47.288 Minschen (2001) un de Flach vun de Stadt bedriggt 26,54 km². De Postleettallen fangen mit NR3 an, de Telefonvörwahl is 01493. Great Yarmouth liggt in den Wahlkreis Great Yarmouth vun’t Parlament vun’ Verenigde Köönigriek. De Gemeen Great Yarmouth hett 92.500 Inwahners.

In Yarmouth stahn een Bahnhoff un een Haven. De Markt is een vun de gröttste in England un is ut dat 13. Jahrhunnert. In Great Yarmouth steiht dat Theoter Britannia Theatre. Op de Blackfriars Road befinnt sick dat Time and Tide museum. De Feernwanderweg vun Great Yarmouth nah Knettishall Heath is 123 km lang. Vun de Stadtmüür is noch veel bleven. 1551 warr ene Grammar School (Gymnasium) grünnt, de vun 1757 bit 1860 nich existeerde. In Yarmouth weer een Hansekontoor. Wecke Jahrhunnerden weer de Stadt vun de Herringsfischeree afhängig. De Viezadmiraal Horatio Nelson hett in Yarmouth leevt.