Grammelot

Vun Wikipedia
Wesseln na: Navigatschoon, Söök

Grammelot betekent en Oort vun Speelspraak, de in’n Tosamenhang mit Theater un Film in en satirischen Sinn bruukt warrt.

En Grammelot charakteriseert sik dör fiktive luutmalerische oder makkareonsche Woortsnippels. Vördragen warrt dat tomeist in Verbinnen mit överdreven Mimik un Gestik oder in Kuntrast mit Pantomime.

Torüchgahn schall de Grammelot vörgeevlich op de italieenschen Commedia dell’Arte, woneem se in Szenen mit harlekineske Töög anwennt weer. Se schüll dat överspannte Wesen vun Personen in disse Kummedien rutstellen, dat in Wöör nich uttodrücken weer.

In de ne’eren Tiet is de Grammelot ünner annern vun den Literatur-Nobelpriesdräger Dario Fo (Mistero Buffo), vun Charlie Chaplin (Anton Hynkel in The Great Dictator) oder ok vun Gianni Ferrario insett worrn. Grammelot-Elementen finnt sik aver ok in vele Comics wedder.

Weblenken[ännern | Bornkood ännern]