Gröön Book

Vun Wikipedia

Dat Gröne Book (araabsch الكتاب الاخضر) is en Book vun’n libyschen Revolutionsföhrer Muammar al-Gaddafi, dat 1975 toeerst rutkamen is. De Naam Gröön Book warrt so verstahn, dat dat op dat Rode Book vun Mao Tsetung anspeelt. Gröön is de Farv vun’n Islam.

Dat Book hett dree Delen:

  • De Lösung vun dat Problem vun de Demokratie „De Volksmacht“,
  • De Lösung vun dat ökonoomsche Problem „De Sozialismus“,
  • De soziale Basis vun de Drüdde Universaltheorie.

Gaddafi seggt in dat Book, dat de polietschen Systemen, de dat gifft, nich worraftig demokraatsch sünd, denn dat Volk dröff jümmer blot Repräsentanten wählen, vun de dat denn afhängig is. De Minschen köönt aver nich sülvst Influss nehmen op dat System. Gaddafi stellt dor denn en System vun Volkskongresse un Volkskomitees gegen, dat dat Volk direkt an’n polietschen Prozess deelhebben lett.

As de dree Grundebenen vun de Sellschop süht he de Familie, den Stamm un de Nation.

Gaddafi süht dat System, dat he in dat Gröne Book vörstellt as drüdde Universaltheorie, de blangen Kapitalismus un Kommunismus steiht (Islaamsch Sozialismus).

Weblenken[ännern | Bornkood ännern]