Gottfried V. Plantagenet
Vun Wikipedia
Gottfried V. Plantagenet (* 1113 in Le Mans; † 7. September 1151) mit de Binaams De Schöne un de Gerechte weer en Söhn vun Fulko V. vun Anjou un Ermengarde vun Maine. Sie Binaam Plantagenet hett he vun en Braamstruuk, den he jummers an sien Hoot dragen hebben schall. Braam heet up Latiensch Planta Genista un up Franzöösch Plante Genet.
He folg sien Vadder na as Graaf vun Anjou un Maine. 1128 free he mit Mathilde vun England, wat de Dochter un Arv vun König Hinrich I. vun England weer. Dor wer he 15 Johr oolt un Mathilde weer woll tein Johr öller. Mathilde weer al Wittfro vun den düütschen Kaiser Hinrich V.. Se weer minnachtig gegen Gottfried över un hett de eersten Johren nix vun em weten wullt. Vunwegen de Hochtiet kreeg Gottfried nu avers to kriegen mit den Börgerkrieg twuschen siene Fro Mathilde un Stephan vun Blois, de sik to'n engelschen König upswingen wull. 1141 is Stephan gefangen nahmen wurrn. In de Johren 1142 un 43 is Gottfried denn in de Normandie inmarscheert un hett se Stephan ut de Hannen reten. 1144 hett he sik süms to'n Hartog vun de Normandie utropen. Amenne hefft se Stephan dwungen, dat he Mathilde un Gottfried ehrn Söhn Hinrich to'n Arven annehmen möss. Dor is Gottfried denn de Stammvadder vun dat Huus Plantagenet mit wurrn. Düt Huus hett in England up den Throon seten bit in de Daag vun König Hinrich IV..
Gottfried is de Vadder wurrn vun
- Hinrich II., König vun England (1133-1189)
- Gottfried II. Greve vun Maine(1134-1158)
- Willem (Poitou) (1136-1154).
