Glengyle

Vun Wikipedia
Glengyle
Land Schottland
Region Campbeltown
Tyyp Malt
Status aktiv
Besitter Mitchell’s Glengyle Ltd.
Grünnt 1872
Grünner William Mitchell
Waterborn Crosshills Loch
Washstill(s) 1 × 18.000 l
Spiritstill(s) 1 × 15.000 l
Produkschoonsvolumen 750.000 l
Websteed www.kilkerransinglemalt.com

Glengyle is en Whisky-Brenneree in Campbeltown op dat Halfeiland Kintyre in Schottland. De Brennereehüüs sünd in de schottischen Denkmollisten in de Katgeorie B inordent[1].

Historie[ännern | Bornkood ännern]

De Brenneree weer 1872 grünnt un 1873 fardig stellt. As in de 1910er Johren dat Gewarf mit den Whisky ünner de weertschoppliche Depresschoon un vun de Prohibitschoon in de USA bedrapen weer, güng de Verkööp stark torüch. 1919 müss de Destille den verköfft warrn. Kort later, in’t Johr 1924, hett de Brenneree wedder den Besitter wesselt, de een Johr later de Produkschoon afbreken laten un de Restbestännen vun den Whisky in’t Lager verköpen de. De Versöök vun Maurice Bloch de Brenneree wedder apen to maken is opgeven worrn, as de Tweete Weltkrieg utbroken is. Bloch weer to de Tiet tosamen mit sien Broder ok al in’n Besitt vun de Brenneree Glen Scotia, de jüst so in Campbeltown sitten deit. In de 1950er Johren geev dat dör de Firma Campbell Henderson Ltd. en ne’en Versöök de Glengyle-Destille wedder in Bedrief to nehmen, man ok dat hett nich klappt.

Eerst Enn 2000 is de Brenneree dör Mitchell’s Glengyle Ltd. wedder in Stand sett un moderniseert worrn. Dat Seggen hett siet denn Hedley Wright, en Nafohr vun den Firmengrünner William Mitchell, de ok al de Destille Springbank in Campbeltown ünner sien Regeer hett. De Brennblasen för de Glengyle-Destille weern vun de Brenneree Ben Wyvis övernahmen, de dor blots en poor Johren in’n Insatz weern, bit de Destille 1976 dicht maakt worrn is.

Produkschoon[ännern | Bornkood ännern]

Glengyle höört to dat schottische Whiskyrebeet Campbeltown. Dat Water för de Produkschoon stammt ut den Crosshills Loch. Na de över 75-johrige Ünnerbreken, is 2004 de eerste Whisky herstellt worrn. Produzeert warrt blots twee Maanden in’t Johr, wat in’t Johr ruchweg 60.000 l bringen deit. De Whisky ut de Glengyle-Brenneree warrt nich ünner den Naam vun de Brenneree in’n Hannel bröcht, man kriggt den Naam Kilkerran. Dat hett to’n een den Grund, dat ut Traditschoon de Campbeltown-Whiskys nich mit en „Glen“ in’n Naam to versehn (dat gäälsche Woort för Daal). To’n annern schall hinnert warrn, dat de Whisky mit en Vatted Malt verwesselt warrt, de ok Glengyle heet. Butendem weer dat nich mööglich, de Rechten an den Naam to kriegen[2].

Kiek ok[ännern | Bornkood ännern]

List vun de schottischen Brennereen

Literatur[ännern | Bornkood ännern]

  • Walter Schobert: Das Whiskylexikon. Fischer Taschenbuch Verlag, Frankfort an’n Main 2003, ISBN 3-596-15868-0.

Borns[ännern | Bornkood ännern]

  1. Indrag in de schottischen Denkmollisten
  2. [1]


Koordinaten:55° 26′ N, 5° 37′ W