Glasemakers

Ünnerstamm:	Tracheendeerter (Tracheata)
Böverklass:	Sessfööt (Hexapoda)
Klass:	Insekten
Ünnerklass:	Fleeginsekten (Pterygota)
Ornen:	Goldpeer (Odonata)
Ünnerornen:	Echte Goldpeer (Anisoptera)
Familie:	Glasemakers (Aeshnidae)

Wetenschoplich Naam

Aeshnidae

Rambur 1842

De Glasemakers (Aeshnidae) sünd en Familie mank de Echten Goldpeer. Se höört to de groten Goldpeer un sünd 60 bit 85 mm lang. Dat Achterlief is dunkel mit en heller Mosaikteknung dor binnen. Dat gifft avers ok wecke, de sünd hell mit en dunkeln Striepen up'n Rugg, so, as de Geslechter Anax un Hemianax. De wetenschoppliche Naam warrt woll ok fökener verkehrt as Aeschnidae schreven.

De Glasemakers könnt ut'neen holen weern vun de noch gröttern Borngoldpeer (Cordulegastridae), vunwegen dat de Ogen noch mehr an'nanner rögen doot.

De Naam[ännern | Bornkood ännern]

De Naam Glasemaker (up Nedderlannsch glazenmaker) kümmt ut ole Tieden. Wenn Glasmakers fröher Finsterruten repareern mössen, denn hefft se dat Glas in en Rahmen vun Latten up'n Rugg dragen. Dat seeg denn so ut, as Flunken.

Indelen[ännern | Bornkood ännern]

In de Nedderlannen, in Belgien un Düütschland kaamt düsse Familien un Geslechter vör:

Familie Glasemakers (Aeshnidae)

Geslecht Aeshna
- Oort Blau Glasemaker (Aeshna cyanea)
- Oort Bruun Glasemaker (Aeshna grandis)
- Oort Gröön Glasemaker (Aeshna viridis)
- Oort Nöördlich Glasemaker (Aeshna subarctica)
- Oort Peerdsteker (Aeshna mixta)
- Oort Fehnglasemaker (Aeshna juncea)
- Oort Fröh Glasemaker (Aeshna isosceles)
- Oort Süüdlich Glasemaker (Aeshna affinis)
Geslecht Anax
- Oort Groot Kaisergoldpeerd (Anax imperator)
- Oort Süüdlich Kaisergoldpeerd (Anax parthenope)
Geslecht Brachytron
- Oort Glassnieder (Brachytron pratense)
Geslecht Hemianax
- Oort Sadelgoldpeerd (Hemianax ephippiger)