Georg Daniel Heumann

Georg Daniel Heumann (* 23. September 1691 in Nürnbarg; † 27. Juni 1759 ok dor) weer en düütschen Teekner un Koppersteker.

Heumann is 1691 in Nürnberg boren un weer twischen 1731 un 1753 een von de wichtigsten Kopperstekers för Johann Jakob Scheuchzer sien Physica sacra. Heumann hett ok veel na de Warken von Salomon Kleiner arbeidt. In de Tied von 1. Juni 1735 bet 1740 weer de Koppersteker Johann Adam Schweickart Heumann sien Schöler.

Von’n 30. November 1740 af an bet 1753 weer he göttingsch-akademisch Koppersteker för de Universität Göttingen, de 1737 apen maakt harr, un ok kurförstlich hannöversch un königlich engelsch Hoffkoppersteker in Göttingen.

Trüch in Nürnberg weer von 1753 bet 1754 Christian von Mechel sien Schöler.

Heumann weer Maat von de Nürnberger Malerakademie. He hett för en Reeg süüddüütsche Verlääg arbeidt, ünner annern för Albrecht von Haller. Besünners intressant is sien Göttingischer Ausruff, denn bi welk von sien Biller ut dat göttingsche Stadtleven un von’n Markt hett he de plattdüütschen Marktsprüch von de Marktlüüd bischreven.

Warken

• Der göttingische Ausruff von 1744.

Weblenken

Georg Daniel Heumann. Mehr Biller, Videos oder Audiodateien to’t Thema gifft dat bi Wikimedia Commons.