Gelasium

Vun Wikipedia

Wesseln na: Navigatschoon, Söök
Ärathem
Ära		 System
Periood		 Serie
Epoch		 Stoop
Öller		 ≈ Öller (Mya)
K
Ä
N
O
Z
O
I
K
U
M		 höger höger höger jünger
Neogen Pliozän Gelasium 1,806–2,588
Piacenzium 2,588–3,6
Zancleum 3,6–5,332
Miozän Messinium 5,332–7,246
Tortonium 7,246–11,608
Serravallium 11,608–13,65
Langhium 13,65–15,97
Burdigalium 15,97–20,43
Aquitanium 20,43–23,03
deeper deeper deeper öller

Dat Gelasium is de böverste chronostratigraafsche Stoop vun’t Pliozän in’t Neogen. Se ümfaat ruchweg de Tietduer vun 2,588 (± 0,005) Millionen bit 1,806 (± 0,005) Millionen Johren vör hüüt. Vör disse Stoop liggt dat Piacenzium, opfolgen deit dat Pleistozän.

Inholtsverteken

[ännern] Naam

De Stoop hett ehrn Naam vun de Lokalität Gela in de Provinz Caltanissetta op Sizilien kregen. Se is eerst 1998 vun en Koppel vun italieensch Wetenschopplers (Domenico Rio, Rodolfo Sprovieri, Davide Castradori undEnrico Di Stefano) vörslahn worrn.

[ännern] Definitschoon

De Anfang vun dat Gelasium is fastleggt worrn as de Gauss-Matuyama-Grenz. Dat is en Ümpolen vun’t Eerdmagnetfeld, de vör üm un bi 2,588 Millionen Johren vör sik gahn is. An disse Grenz sünd de kalkschaligen Lüttstleevwesen (Protozoen) Discoaster pentaradiatus un Discoaster surculus utstorven, de in de Schichten vun dat vörige Piacenzium noch as Nannofossilen funnen warrt.

De bövere Grenz is de magneetsche Polaritäts-Chronozoon C2n (Olduvai) un de Utstarvhorizont vun de kalkigen Nannoplankton-Oort Discoaster brouweri (Basis vun de Zoon CN13). Licht över de Grenz liggt dat eerste Vörkamen vun’t kalkige Nannofossil Gephyrocapsa spp. un de Utstarvhorizont vun de planktoonschen Foraminiferen-Oort Globigerinoides extremus. De GSSP (dat is de globale Lieksteed) vun’t Gelasium liggt an’n Monte San Nicola bi Gela, Italien.

[ännern] Positschoon un Bedüden

De International Union for Quaternary Research (INQUA) hett in’t Johr 2006 de Internatschonale Stratigrafische Kommischoon (ICS) opfoddert, dat Gelasium vun’t Pliozän in dat opfolgende Pleistozän to verleggen. Dat Pelistozän künn op diese Wies länger maakt warrn, so dat sien Anfang mit den Anfang vun de Iestietöller tohopenfallt. Dat weer denn ok en Ansatz, üm dat Quartär nee ünnertobringen. Dat Quartär is 2004 ut de Serien rutnahmen worrn, künn denn aver wedder ut dat Pleistozän un dat Holzän bestahn[1]. Wat warrn schall, warrt fröhestens 2009 kund doon warrn.

In’t Gelasium, also an’t Enn vun’t hüütige Pliozän, güng dat los, dat de Poolkappen vun de Eer veriesen deen. Dit Begeevnis weer de Anfang vun en nee Iestietöller, dat Quartär, dat mit siene Wesseln vun Koolt- un Warmtieten bit hüüt anduert.

[ännern] Borns

  1. ↑ Apen Breef vun’t INQUA-Exekutivkommittee vun 2006

[ännern] Literatur

  • Felix Gradstein, Jim Ogg, Jim & Alan Smith: A Geologic timescale. Cambridge University Press 2004 ISBN 9780521786737
  • Domenico Rio, Rodolfo Sprovieri, Davide Castradori und Enrico Di Stefano: The Gelasian Stage (Upper Pliocene): A new unit of the global standard chronostratigraphic scale. Episodes 21/2: 82–87, Beijing 1998 ISSN: 0705-3797; PDF.

[ännern] Weblenken

Vun „http://nds.wikipedia.org/wiki/Gelasium“