Gauß-Expeditschoon

Vun Wikipedia
De in dat Ies inslooten „Gauss“ an’ 29. März 1902.
Di tut en Ballon upnommen Foto ist en vun de eerst Luftdupnahmen in de Antarktis.

De Gauß-Expeditschoon (1901–1903) weer de eerst düütsch Antarktisexpeditschoon un wurr vun den Polarforscher un Geologieperfesser Erich von Drygalski up dat Schipp Gauß ünnernommen, dat entgegen den allgemeenen Spraakgebruuk „der Gauß“ nömmt wurr. Kapitän vun dat Schipp weer Hans Ruser. Teel vun de Expeditschoon weer dat Utforschen vun dat dormals unbekannt Rebeet süüdlich vun de Kerguelen.

Expeditschoon[ännern | Bornkood ännern]

Erich von Drygalski (1865–1949)

De Expeditschoon fung in’ Sömmer 1901 in Kiel an, as de Gauß dor utloopen dee. En lütt Grupp vun Forschers (u. a. Josef Enzensperger, Karl Luyken un Emil Werth) wurr up de Kerguelen statschooneert, wiels de restlich Mann wieder nah Süüden fohren sünd. De Expeditschoon hett up de Insel Heard Statschoon un eerst umfaatend Ünnersöken över de Geologie, Flora un Fauna vun dat Eiland makt.

Later hett de Expeditschoon nee Antarktisrebeeden opdeckt, ofschons man för meest 14 Maand in’t Ies fast seet un eerst in’ Februar 1903 weer free keem. Dat nee Rebeet wurr Kaiser-Wilhelm-II.-Land döfft, dat Schipp wurr to’n Naamspatron vun den erloschenen Vulkan Gaußberg.

Drygalski weer nah Robert Falcon Scott en vun de eersten Forschers, de in de Antarktis en Fesselballon bruukt hett.

Rückkehr un Utweerten[ännern | Bornkood ännern]

In’ November 1903 is de Gauß weer in Kiel vör Anker gahn. Dornah schreev Erich von Drygalski den Bericht över de Expeditschoon un hett de umfangriek wetenschaplich Daten bearbeit. Tüschen 1905 un 1931 geev he 20 Bannen un twee Atlanten herut, de de Expeditschoon dokumenteeren.

Literatur[ännern | Bornkood ännern]

  • Erich von Drygalski: Zum Kontinent des eisigen Südens, Deutsche Südpolarexpedition; Fahrten und Forschungen des „Gauß“ 1901–1903, Verlag Reimer, Berlin 1904.

Weblenken[ännern | Bornkood ännern]