Fulda (Stadt)

Vun Wikipedia
Wesseln na: Navigatschoon, Söök

Die Stadt Fulda an de glieknaamig Stroom is Böverzentrum vun de Region Oosthessen un de neegentgröttste Stadt in Hessen. Se is ok de Kreisstadt vun de Landkreis Fulda un en vun söben vun de Sonnerstatusstäder in Hessen. Dorneben weer se ok Seet vun dat Klooster Fulda un is Hoochschool-, Barock- un Bisdomssstadt mit Bischopsseet vun dat Bisdom Fulda. In Fulda leven 64.097 Inwahner (Stand: 31.12.2007) up en Rebeet vun 104,05 km².

Geografie[ännern | Bornkood ännern]

De Stadt liggt an de Böverloop vun de Stroom Fulda, dicht bi de Landsgrenz to Döringen un Bayern, inbett tüschen de Middelbargen Rhön in’ Oosten un Vogelsberg in’ Westen.

Nahbargemeenden[ännern | Bornkood ännern]

Um Fulda rüm liggen de Gemeenden Petersberg, Künzell un Eichenzell un bild mit de en Agglomeratschon. Anner Nahbergemeenden sünd: Großenlüder, Hünfeld, Neuhof un Schlitz.

Stadtgledderung[ännern | Bornkood ännern]

Fulda umfaat neben de Karnstadt 24 wiedere Stadtdeelen:

Stadtdeel Inwahnertall
Bernhards 531
Besges 105
Bronnzell (mit Ziegel) 1399
Dietershan 696
Edelzell 2356
Gläserzell 1166
Haimbach 2229
Hamerz 1112
Istergiesel 414
Johannesberg 798
Kämmerzell 848
Kohlhaus 1167
Stadtdeel Inwahnertall
Lehnerz 1642
Lüdermünd 221
Maberzell (mit Trätzhof) 1788
Malkes 166
Mittelrode 357
Niederrode 264
Niesig 1665
Oberrode 513
Rodges 145
Sickels 1051
Zell 241
Zirkenbach 492

De Karnstadt vun Fulda is dorto in twalf statistische Bezirke oder innerstädtische Viertel ünnerdeelt, wat aber kien eegen Stadtdeelen sünd:

Bezirk Inwahnertall
Aschenberg 8798
Frauenberg 2556
Galerie 1032
Horas 1355
Binnenstadt 6322
Neuenberg ~2500
Nordend 4104
Ostend 4421
Südend 4732
Westend 3946
Ziehers Noord 2086
Ziehers Süüd 3782

Eingemeindungen[ännern | Bornkood ännern]

De Stadt Fulda wurr dör de hessisch Rebeetsreform 1972 um de 24 baben nömmt Umlandsgemeenden vergrötert, verlor aber 1974 de Status as Kreisfree Stadt. Dorför wurr se, so as weidere söss Städer mit mehr as 50.000 Inwahner Sonnerstatusstadt. Se harr dormit mehr Upgaaben un Rechte as sonstige kreisangehörige Städer, aber weniger as kreisfree Städer.

Historie[ännern | Bornkood ännern]

Koppersteek vun Fulda vun Matthäus Merian 1655

Herkunft vun’t Naam[ännern | Bornkood ännern]

De Herkunft vun de Naam Fulda is nich klor. Oorkundlich sünd folgend Naams överleefert: Ut dat Johr 750 Uulta un Uulthaha, vun 751 Fulda, vun 752 Uuldaha, vör dat Johr 769 Fulde, un in’t 16. Johrhunnert Fuld, Fult un Fuldt. Der wohrschienlichste Herkunft leidt sück aber woll vun en Waternaam af.