Fuji (Appel)

Vun Wikipedia
Wesseln na: Navigatschoon, Söök
Fuji-Appel
De Sort Fuji Kiku an’n Boom

Fuji (jap.: ふじ) is en Huusappel (Malus domestica), de 1939 in Japan ut de Sorten Ralls Janet un Red Delicious krüüzt worrn is. In’n Hannel keem de Appel to’n eersten mol in’t Johr 1962. He is nich all to anfallig för Appelschorf.

De Frucht is middelgroot, mitünner ok groot. Sien Schaal is in ehr Grundklöör gröön bit geelgröön un in de Decklöör – je na Sort – rosa bit bruun-root oder düsterroot-vigellet mit Striepens. Se hett ’n lichten Ruch un föhlt sig ruuch an.

De Smack is bannig sööt mit wenig Süür, de aver bi’t Lagern mit de Tiet meist vullstännig afboet warrt. De Appel is bannig knackig un saftig.

Oorntiet vun’n Fuji is Enn vun’n Oktober, man riep to’n Geneet is de Appel eerst een Maand na de Oorn. In’t CA-Lager kann de Appel bit Juli lagert warrn.

De Fuji hett en middelmatig Wassdom, billt aver noog Twiegen un Fruchtholt. De Boom boet sik in en runne Kroon op mit go’e Leddtwiegbilln. De Sort hett dat geern warm un wasst goot an Hanglagen oder an Steden mit veel Sünn. Stroomlööp, Beken oder Daallagen hett de Fuji nich so geern.

Dat gifft en Reeg vun Mutatschonen vun den Fuji, as de Nagafu, Red Sport, Aki Fu, Yataka oder ok de Kiku Brak, de markenrechtlich schuult is un an’n fakensten anboet warrt.

Weblenken[ännern | Bornkood ännern]

Commons-logo.svg Fuji. Mehr Biller, Videos oder Audiodateien to’t Thema gifft dat bi Wikimedia Commons.

Kiek ok[ännern | Bornkood ännern]