Freesch Freeheit

Vun Wikipedia
Wesseln na: Navigatschoon, Söök
Freesch Lannen üm dat Johr 1300.

De Freesche Freeheit (frees. Fryske frijheid) is en Recht, wat, so warrt vertellt, Karl de Grote de Fresen geven hebben schall. Dat bedütt, datt se keen annern Herrn, man blot den Kaiser över sik hebben schüllen. In eene ole freesche Saag warrt vertellt, dat en Mann mit Naam Liber Friso (=Free Freese) mit siene Mackers in dat 9. Johrhunnert ut Italien torüch kamen weern na de Waterkant. In Rom harrn se unverwachts for ehrn leven König Karl gegen de Römers wunnen. De König schall sik dor so över freit hebben, datt he siene Fresen to'n Dank dat grottste Geschenk maken dö, wat he to vergeven harr: De Freeheit.

Ünner de Freesch Freeheit - dat weer in dat laat Middelöller - weren de freesch Kuntreien heerenloos. Formell harren de Fresen bloots den Kaiser van dat Hillig Röömsch Riek van Düütsch Natschoon baven sik.

Gebiet[ännern | Bornkood ännern]

De Regioon Westfreesland - dat's nu Part van de Provinz Noord-Holland - weer bit to 1297 free. Düss Region behöör neet to den Upstalsboombund.

Üm dat Johr 1300 ümföten de freesch Lannen 27 Provinzen van de noordwestlich Nedderlannen över Oostfreesland bit nah dat Land Wusten to't Noord van Bremerhaven hen.

Historie[ännern | Bornkood ännern]

Anners, as de Legend, de baven vertellt is, seggt de meisten Historikers vandagen, datt de Fresen de Freeheit kregen harrn van Karl III..

Kiek ook[ännern | Bornkood ännern]