Freed vun Amiens
De Freed vun Amiens weer mit den Fredensverdrag vun’n 27. März 1802 twischen Frankriek un Grootbritannien slaten un harr dormit den tweten Koalitschoonskrieg en Enn sett. Den Verdrag ünnerschreven hebbt Joseph Bonaparte un Charles Cornwallis.
In’n Freed vun Lunéville vun 1801 harr Frankriek vörher al mit Öösterriek Freden slaten, dat ok in’n Krieg mit vun’e Partie wesen is. Na den Freed vun Amiens müss Grootbritannien Besitt in de Karibik an de Bataavsche Republiek afgeven un sik jüst so as Frankriek ut Ägypten trüchtehn. Malta schullen se an den Johanniterorden trüchgeven. Ceylon un Trinidad un Tobago kunn Grootbritannien aver beholen. Frankriek rüüm Neapel un den Karkenstaat. Nadem kene vun de beiden Parteien den Verdrag kumplett inholen wull, keem dat 1803 to ne’e Kämp un den drüdden Koalitschoonskrieg.