Frauke

Frauke (ok Froukje) is en freeschen un plattdüütschen Vörnaam för Deerns.

Herkamen

De Naam kümmt ut de Freesche un de plattdüütsche Spraak. Up Freesch heet frou (Utspraak: Frau) just so as up Middelnedderdüütsch frouwe un up Nedderlannsch vrouw (Utspraak: Frau) Fro. Wenn een dor nu en Smusenaam vun maken will, denn so warrt dor dat Anbacksel -ke to'n lüttjer maken (as Diminutiv-Suffix) anbackt. Denn warrt dor Frauke vun. Dat heet denn „Lüttje Fro“. In de Provinz Freesland in de Nedderlannen heet de Naam Froukje.

Bekannte Lüde, de düssen Naam dreegt

• Frauke Eigen (* 1969), düütsche Fotographin un Künstlersche
• Frauke Heiligenstadt (* 1966), düütsche Politikersche (SPD), Liddmaat vun den Landdag in Neddersassen
• Frauke Kuhlmann (* 1966), düütsche Footballspelersche
• Frauke Ludowig (* 1964), düütsche Radio- un Feernsehmoderatorsche
• Frauke Nahrgang (* 1951), düütsche Schrieversche vun Kinnerböker
• Frauke Tengler (* 1948), düütsche Politikersche (CDU), Sleswig-Holsteen
• Frauke Eickhoff (* 1967), düütsche Judoka, Weltmestersche 1991 in Barcelona bit 61kg

Kiek ok bi

• List vun plattdüütsche Vörnaams