Franz Wiebe

Vun Wikipedia

Franz Friedrich Eduard Wiebe (* 30. März 1884 in Üsseler; † 22. Juli 1963) weer en düütschen evangeelschen Theoloog.

Wiebe is 1884 in Üsseler boren un hett Evangeelsche Theologie studeert. He hett 1907 sien eerst Examen maakt un 1910 sien tweet. He is an’n 13. März 1910 in de St.-Michaels-Kark in Hilmssen ordineert worrn. Na en Steed as Pfarrkooperator in Diemarn un as Ministerialkollaborater in Hilmssen is he 1912 Tweten Hoff- un Slottpreddiger un Kunsistorialassesser bi dat Kunsistoorn in Hannover worrn. 1920 is he Kunsistorialraad worrn. Von 1923 bet 1926 weer he Supperndent in’n Karkenkreis Aimbeck un 1926 bet 1936 in’n Karkenkreis Göttingen.

In de Tied von’n Kirchenkampf hett he to de Bischopsvikarn tellt, de Landsbischop August Marahrens beropen hett. In’n Februar 1935 is Wiebe as Bischopsvikar för den Bezirk Stood beropen worrn. 1936 is he as eersten Landssupperndenten för den Sprengel Stood von de Evangeelsch-luthersche Landskark Hannover beropen worrn. Wiebe harr dit Amt bet 1948. An’n 1. Oktober 1948 is he Landssupperndent in’n Sprengel Göttingen-Grubenhagen worrn[1][2] An’n 1. November 1953 is he in Rohstand gahn.

Footnoten[ännern | Bornkood ännern]

  1. Datenbankindrag op de Websteed von de Neddersassische Staats- un Universitätsbibliothek Göttingen; afropen: 29. Oktober 2012
  2. Amtstied as Supperndent op de Websteed von’n Sprengel Stood; afropen: 29. Oktober 2012