Francis Richard Scobee

Vun Wikipedia
Richard Scobee

Francis Richard „Dick“ Scobee (* (19. Mai 1939 in Cle Elum, Washington USA; † 28. Januar 1986 bi Cape Canaveral, Florida) weer en US-amerikaansch Astronaut, de bi de Challenger-Katastrophe to Dood keem. Sien Ökelnaam weer Scobs.

Werdegang[ännern | Bornkood ännern]

Scobee hett 1957 de High School beeend un is bi de US-amerikaansch Luftwapen (USAF) anfungen. Mit Abendschool is hüm dat denn gelungen, dat he en Stipendium kreeg un laterhen studeeren kunn. 1965 hett he sien Afsluss an de University of Arizona makt.

Astronautentätigkeit[ännern | Bornkood ännern]

1978 is he as Astronaut vun de NASA utsöcht wurrn. 1984 hett he sien eersten Ruumfloog as Pilot ünner dat Kommando vun Bob Crippen an Bord vun STS-41-C maakt. De anner Besattensliddmaaten weern de Missionspezialisten Terry Hart, James van Hoften un George "Pinky" Nelson. En Hööchtpunkt vun de Mission weer de Reparatur vun den Satelliten Solar Maximum Mission (SMM) direkt in' Orbit. Buterdem wurr de Long Duration Exposure Facility (LDEF) mit 57 Experimenten utsett un in en latere Mission weer infangen un torüch to de Eer brocht.

Scobee wurr denn utwählt as Kommandant för de Mission STS-51-L mit dat Space Shuttle Challenger, de an‘ 28. Januar 1986 um 11:38 Ühr Oortstiet vun dat Kennedy Space Center in Florida afhaben is. De anner Crew-Liddmaaten weern Pilot Captain Michael John Smith un de Missionsspezialisten Ronald Erwin McNair, Judith Arlene Resnik, Ellison Shoji Onizuka as ok de Bruuklastspezialisten Gregory Bruce Jarvis un Sharon Christa McAuliffe. Dör en Leck in den Drievstofftank is de Challenger aber nah 73 Sekunn explodeert un all söben Besattensliddmaaten keemen to Dood.

Scobee is up de Natschonalkarkhoff Arlington begraben. Sien Fru un twee Kinner hemm hüm överleevt. Nah hüm sünd en paar Schoolen, en Straat, aber ok en Maandkrater un de Asteroid Scobee nömmt wurrn.

Weblenken[ännern | Bornkood ännern]

Dick Scobee. Mehr Biller, Videos oder Audiodateien to’t Thema gifft dat bi Wikimedia Commons.