Francis Richard Scobee

Vun Wikipedia
Wesseln na: Navigatschoon, Söök

Francis Richard „Dick“ Scobee (* (19. Mai 1939 in Cle Elum, Washington USA; † 28. Januar 1986 bi Cape Canaveral, Florida) weer en US-amerikaansch Astronaut, de bi de Challenger-Katastrophe to Dood keem. Sien Ökelnaam weer Scobs.

Scobee hett 1957 de High School beeend un is bi de US-amerikaansch Luftwapen (USAF) anfungen. Mit Abendschool is hüm dat denn gelungen, dat he en Stipendium kreeg un later henn studeeren kunn. 1965 hett he sien Afsluss an de University of Arizona makt.

1978 is he as Astronaut vun de NASA utsöcht wurrn. 1984 hett he sien eersten Ruumfloog makt an Bord vun STS-41-C. Dornah weer he Kommandant vun de Mission STS-51-L. As de Shuttle Challenger an’ 28. Januar 1986 start is, explodeer he nah 73 Sekunden. Dorbi keemen all söben Astronauten to Dood.

Scobee is up de Natschonalkarkhoff Arlington begraben. Sien Frau un twee Kinner hebbt hüm överleevt. Nah hümm sünd en paar Schoolen, en Straat, aber ok en Maandkrater un de Asteroid Scobee nömmt wurrn.