Flerovium

Vun Wikipedia
Wesseln na: Navigatschoon, Söök
114 UutFleroviumUup
Pb

Fl

nix
Fl-TableImage.png
Allgemeen
Naam, Teken, Atomtall Flerovium, Fl, 114
Cheemsch Serie  ?
Klöör nich bekannt
Atommass 289 g/mol
Elektronenkonfiguratschoon [Rn]5f146d107s27p2
Elektronen je Schaal 2, 8, 18, 32, 32, 18, 4
Physikaalsche Egenschoppen
Phaas  ?
Atomare Egenschoppen
Annere Egenschoppen
Isotopen (Utwahl)
Hööftartikel: Isotopen vun Flerovium
Iso VN t½ VO VE (MeV) VP
286Fl nee 0,16 s α 10,7 282Cn
SV
287Fl nee 0,51 s α 10,44 283Cn
288Fl nee 0,8 s α 9,97 284Cn
289Fl nee 2,7 s α 9,85 285Cn

Flerovium (fröher ok Ununquadium) is en cheemsch Element, de de Atomtall 114 un dat Atomteken Fl hett un to de Transactinoiden höört. All bekannten Isotopen vun dat Element sünd radioaktiv.

Historie[ännern | Bornkood ännern]

Dat Flerovium is wohrschienlich 1999 an’t Vereenigte Institut för Karnforschen in Dubna, Russland tüügt worrn, bi en gemeensome Arbeit vun Forschers ut dat Institut un vun’t Lawrence Livermore National Laboratory. Dat Opdecken is in’n Juli 2011 vun de IUPAC bestätigt worrn, sodat dat Element nu offiziell in dat Periodensystem vun de Elementen opnahmen worrn is [1]. An’n 30. Mai 2012 is de Naam vun de IUPAC annahmen worrn, de in’n Dezember 2012 för dat ne’e Element vörslahn worrn is[2]. Bit dorhen harr dat den vörlöpigen Naam Ununquadium mit dat Atomteken Uuq. De ne’e offizielle Naam is to Ehren vun den russ’schen Physiker Georgi Fljorow utwählt worrn.

Egenschoppen[ännern | Bornkood ännern]

Dat bestännigste vun de Flerovium-Isotopen is dat sup>289Fl. Mit en Halfweertstiet vun 2,7 Sekunnen hett dat Isotop en vergliekswies hoge Bestännigkeit, wenn man naverte Elementen in’t Peridoensystem bekieken deit. Dat kummt dorvun, dat de Atomtall 114 en so nöömte magische Tall vun de Karnphysik is. Nukliden mit so en Tall wiest afslatene Nukleonschalen in’n Karn op, wat jem bestänniger maakt. En Fall vun dubbelt magische Tall gifft dat bi dat Isotop 298Fl. Dor is denn ok de Neutronentall magisch, so dat de Karnforschers glöövt, dat dat Isotop noch bestänniger wesen künn. Man, bit hüüt hett dat noch nich klappt, dat Isotop to tügen.

Literatur[ännern | Bornkood ännern]

  • L. Stavsetra, K. E. Gregorich, J. Dvorak, P. A. Ellison, I. Dragojević, M. A. Garcia, H. Nitsche: Independent Verification of Element 114 Production in the 48Ca+242Pu Reaction. In: Phys. Rev. Lett. 103, 2009, S. 132502, DOI 10.1103/PhysRevLett.103.132502

Weblenken[ännern | Bornkood ännern]

Commons-logo.svg Flerovium. Mehr Biller, Videos oder Audiodateien to’t Thema gifft dat bi Wikimedia Commons.


Borns[ännern | Bornkood ännern]

  1. Robert C. Barber, Paul J. Karol, Hiromichi Nakahara, Emanuele Vardaci, Erich W. Vogt: Discovery of the elements with atomic numbers greater than or equal to 113 (IUPAC Technical Report). In: Pure Appl. Chem. 2011, Vol. 83, Nr. 7, S. 1485–1498, DOI: 10.1351/PAC-REP-10-05-01.
  2. iupac.org: „Element 114 is Named Flerovium and Element 116 is Named Livermorium“ (30. Mai 2012; afropen an’n 31. Mai 2012).