Flagg vun Rhienland-Palz
De Landsflagg tellt ebenso as dat Landswappen siet 1948 to de Hoheitsteken vun Rhienland-Palz un deent gliekermaaten as Landsdeenstflagg.
Da Landswappen is bit to de Hälft vun den root Querstriepen övergriepend de düütsch Trikolore upleggt un befinnd sück in de bövere Eck an de Stang. De Landsflagg wurrd vun Behörden un Börgern gliekermaaten bruukt un in hör Funktschoon as Landsdeenstflagg normalerwies neben de Flagg vun Düütschland un de Europaflagg uptrucken.
De Farven laaten sück eenersiets ut de Farven vun dat Landswappen herleiten. To'n annern kennteken se dat Land Rhienland-Palz al Bundsland un erinnern togliek doran, dat de demokraatsch Traditschoon vun de düütsch Farven nah dat Hambacher Fest an' 27. Mai 1832 de swaart-root-golden Farven to'n eersten Mal bi en groot Massenveranstaltung führt wurrn. En Originalfahn vun dormals steiht hüüd in den Plenarsaal vun den Landdag vun Rhienland-Palz in dat Deutschhaus Mainz.
Ut dissen Grund befindt sück dat Landswappen in' Bövereck un nich as bi de Flaggen vun dat Saarland un Neddersassen in de Midden.
Weblenken[ännern | Bornkood ännern]
- Landeswappen und -flagge up de Sieden vun de Landsregeeren
- Deutsche Flaggen: Rheinland-Pfalz up de Sieden vun de Düütsch Sellschop för Flaggenkunn