Flagg vun Michigan

Flagg vun Michigan

Gouverneursflagg

De aktuell Flagg vun den US-Bundsstaat Michigan wurr in dat Johr 1913 inführt.

Utsehn

Segel vun Michigan

De Flagg wiest in de Midden dat Segel vun den Staat up en dunkelblau Feld, as dat in dat Bundsgesett vun Michigan fastleggt is (De Gouverneur vun den Staat hett en Variante vun de Flagg mit en witt statt en blau Feld).

Up de Flagg befinnen sück dree Schriftbänder mit latiensch Mottos:

1. Root Band: „E Pluribus Unum“ (Ut Völ Een – Motto vun de USA)
2. Hellblau Schild: „Tuebor“ (Ick weer verteedigen.)
3. Witt Band: „Si Quæris Peninsulam Amœnam Circumspice.“ (Wenn du en früendlich Halfinsel söchst, kiek di üm!)

Wappenholler sünd en Wapiti un en Elch. De Wittkoppseeadler up dat Schild stammt ut dat Segel vun de Vereenigt Staaten.

Up dat Wappenschild is en Mann mit erhaben Hand un Gewehr vör de upgahn Sünn up en Halfinsel dorstellt. De erhaben Hand steiht för den Freedenswillen, dat Gewehr för de Entslootenheit, sück to verdeedigen.

Historie

De gegenwärtig Flagg, inführt 1913, is de darte Flagg vun den Staat. De eerste Flagg wies en Portrait vun den eersten Gouverneur vun Michigan, Stevens T. Mason, up de een Siet un dat Wappen vun den Staat tosommen mit en Suldat un en Fru up de anner Siet. De tweet Flagg, inführt 1885, harr dat Wappen vun den Staat up de een Siet un dat Wappen vun de USA up de anner Siet.

De Flaggenswuur vun Michigan wurr vun Harold G. Coburn schreven un in' Public Act Nr. 165 van 1972 offiziell fastleggt.

Machinacbrügg

I pledge allegiance to the flag of Michigan, and to the state for which it stands, two beautiful peninsulas united by a bridge of steel, where equal opportunity and justice to all is our ideal.Up Platt Ick swöör Gefolgschap de Flagg vun Michigan, un den Staat för de se steiht, twee wunnermui Halfinseln vereenigt dör en Brügg ut Stahl, wo glieker Chancen för all un Gerechtigkeit uns Ideal sünd.

Bi de nömmt Brügg hannelt sück dat um de Machinacbrügg, de de bövere Halfinsel un de ünnere Halfinsel vun Michigan verbinnen deiht.