Flagg vun Laos

De Flagg von Laos wurr an‘ 2. Dezember 1975 offiziell inführt.

[ännern] Beschrieven un Bedüüden

De Striepen hebbt en Proportschoon vun 1:2:1. Root steiht för dat Blood, dat in‘ Kamp för de Unafhangigkeit vergoten wurr. Blau wiest op dat Diegen un de witt Schiev steiht för en strahlen Tokunft vun dat Land, oder in anner Lesoort, för den Maand, de över den Mekong schient. Se liggt op’n Middelpunkt vun de Flagg un hett en Dörmeter vun 80% vun de Hööcht vun de blau Striep.

[ännern] Historie

1893 wurr dat Rebeet vun de dree Königrieken Luang Prabang, Vientiane un Champasak, över de Siam de Böverhoheit harr, to en franzöössch Protektorat. Dorher wurr in de Gösch vun de Flagg vun dat Königriek Luang Prabang de franzöösch Trikolore tofügt. De Elefanten wiesen up dat old Riek vun Lan Chang hen, de sien Naam översett „Millionen Elefanten“ bedüüd. 1949 kreeg Laos sien Unafhängigkeit binnerhalv vun de Union Française. 1952 wurr de Trikolore entfernt. Eerst 1954 hett Frankriek up all Anspröök verzicht. 1975 wurr dat Königriek störrt un Laos kommunistisch. To glieker Tiet wurr ok de hüüdig Natschonalflagg inführt.