Flook

Vun Wikipedia
(wiederwiest vun Flöök)
Wesseln na: Navigatschoon, Söök

En Flook (ok Flöök) is en Spröök, de mit Afsicht utspraken is un de Unheel un Quaat över en Minschen, en Volk, en Land, en Deert oder annerswat wünschen oder vörutseggen deit. In de Bibel steiht to lesen, dat hen un wenn ganze Völker verflookt weert. En Reeg vun Religionen kennt so'n Flook, sunnerlich Sellschoppen, de dat mit Töveree un Wickeree to kriegen hefft. Towielen warrt de Kunst vun dat Floken rituell utöövt, as in de Voodoo-Kultur. In Sellschoppen, wo de Animismus en grote Rull speelt, is dat ganz begäng, dat de Lüde dat Floken duchtig för rejell nehmt.

In dat Ole Testament, sunnerlich bi de deuteronomistischen Schrievers, warrt jummers wedder kunnig maakt, dat Tro gegen Gott siene Geboden Segen bringt, man dat de Flook liggen deit up den, de Bund un Geboot breken deit.