Fallward

Vun Wikipedia

Fallward is en Wort un en ooldsassesch Grafffeld ut de Tied von dat 3. bet 5. Johrhunnert n. Chr. Fallward liggt bi Wremen, Landkreis Cuxhoben, in de Wersermasch twee Kilometer süden de Feddersen Wierde.

Von 1993 bet 1998 hett de Kreisarchäologie Cuxhoben in Fallward graavt. In Fallward sünd en ganze Reeg Funnen ut Holt maakt worrn, de sik dör den Maschborrn good hollen hebbt.

To de wichtigsten Funnen höört dat Graff von en Fro ut de Midd von dat 5. Johrhunnert, de in Eenboom ut Ekenholt bisett worrn is. De Fro weer op Hau lagert un bi ehr in’t Graff weren ok twee Holtschalen un en Hocker. In en tweet Bootsgraff ut desülve Tied hebbt se en 65 Zentimeter hogen Prunksessel funnen, de ut en Boomstamm von Ellernholt maakt is un fein Snittjereen hett. To dissen Sessel höört en Schamel, de mit in’t Graff weer un op den en Runeninschrift op is: ksamella lguskaᚦi. Dat eerste Woord warrt as scamella düüdt, latiensch för ‚Schamel‘, dat twete kann villicht för alguskaᚦi stahn, algu ‚Elk‘, ‚Hirsch‘, skaᚦi ‚Schaden‘. Op den Schamel is en Hartbuck afbillt, de von en Hund anfullen warrt. De Dode weer villicht Soldat bi de Römers wesen, denn in dat Graff weer ok en Militär-Gördel mit in.

De wichtigsten Funnen sünd nu in dat Museum Borg Beers to sehn.

Weblenken[ännern | Bornkood ännern]


Koordinaten:53° 39′ N, 8° 32′ O