Fajans-soddysch Schuuvsätz

Vun Wikipedia
Wesseln na: Navigatschoon, Söök
Verfallsorden vun en Radionuklid in de Nuklidkoort dorstellt. Piel: Atomtall (Protonentall) Z, waagrecht: Neutronentall N

De fajans-soddyschen Schuuvsätz (oder ok radioaktive Schuuvsätz) sünd Regeln, de 1913 vun Kasimir Fajans un Frederick Soddy opstellt worrn sünd. Se beschrieft, woans sik de Atom- un Massentall bi’n radioaktiven Verfall ännern doot. Wat dat mit disse Regeln op sik harr, is later kloor worrn, as de Opbo vun de Atomkarns un de Natur un de Verfalls-Vörgäng (nauer: Ümwannelvörgäng) beter utforscht weern.

Se hebbt rutfunnen hatt, dat bi’n Alphaverfall en Nuklid tostannen kummt, dat en Atomtall twee Eenheiten sieter as dat Muddernuklid hett. De Massentall is dorbi üm veer Eenheiten sieter. Bi’n Betaverfall entsteiht dorgegen en Nuklid mit de glieken Massentall, man de Atomtall is üm een höger (β-Verfall) oder üm een sieter (β+-Verfall un Elektroneninfang) as bi dat Muddernuklid.

Literatur[ännern | Bornkood ännern]

  • Kasimir Fajans: Radioactive transformations and the periodic system of the elements, Berichte der Deutschen Chemischen Gesellschaft, Bd. 46, 1913, S. 422–439
  • Frederick Soddy: The Radio Elements and the Periodic Law, Chem. News, Bd. 107, 1913, S: 97–99