Fabiano Caruana

Vun Wikipedia
Wesseln na: Navigatschoon, Söök
Fabiano Caruana (2013)

Fabiano Caruana (* 30. Juli 1992 in Miami) is en US-amerikaansch-italieensch Grootmeesterster in't Schach.

Schachkarriere[ännern | Bornkood ännern]

Caruana hett in' Juli 2007 bi dat First Saturday-Turnier in Budapest sien letzte Grootmeester-Norm schafft un is somit in dat Öller vun 14 Johren, 11 Maand un 20 Daag de jüngste amerikaansch un italieensch Schachspeler, de dat bitlang henkregen hett.[1]

Fabiano Caruana hett de amerikaansch un italieensch Staatsbörgerschap, he wurr 1992 in Miami boren, sien Grootöllern sünd vun italieensch Afstammen. 1996 is he mit sien Öllern nah Brooklyn, New York, wo he all in dat Öller vun fiev Johren vun den bekannten Schachtrainer Bruce Pandolfini opdeckt wurr. Sien eerst internatschonalen Erfolge fier Caruana bi den Panamerika-Meesterschapen: 2002 wunn he dat Turnier vun de ünnr 10-Johrigen, in dat Johr dorup den Titel vun de ünner 12-Johrigen.

Siet 2006 speelt Fabiano Caruana för Italien. In sien eersten italieensch Eenzelmeesterschap, Enn' 2006 in Cremona, belegg he punktgliek mit Michele Godena den eersten Platz, verlor aber den Steekkamp um den Titel knapp mit 1,5-2,5.[2] In' Dezember 2007 wurr he in Martina Franca mit 9,5 Punkten ut 11 Partien italieensch Eenzelmeester.[3]

In' August 2007 wunn Caruana dat Hogeschool Zeeland-Open in dat nedderlannsch Vlissingen, punktgliek mit dree Speler (ünner annern Sergey Tiviakov un Ralf Appel) aber mit de best Fienwertung.

In' Januar 2008 wunn Caruana de C-Grupp vun dat Corus-Turnier in Wijk aan Zee, he wunn överlegen mit 10 Punkten ut 13 Partien mit twee Punkten Vörsprung up Parimarjan Negi und Dimitri Reinderman. In' Dezember 2008 hett he sien Titel bi de italieensch Eenzelmeesterschap in Martina Franca mit 8 Punkten ut 11 Partien.[4]

In' Dezember 2010 wunn he in Siena mit 9 Punkten ut 11 Partien to'n darten Mal de italieensch Eenzelmeesterschap.[5] In' Juli 2011 wunn Caruana mit 7 Punkten ut 10 Partien bi dat AAI-Turnier in Neu-Delhi (Kategorie 17). De italieensche Eenzelmeesterschap 2011 in Perugia domineer he mit 10 Punkten ut 11 Partien (+9 =2 -0), dree un eenhalv Punkt vör den Tweetplatzeerten.[6]

In' Juli 2012 wunn Fabiano Caruana de 40. Dortmunder Schachtage mit 6 Punkten ut 9 Partien (+4 =4 -1) dank beter Wertung vör Sergei Karjakin.[7]

In de Schachbundsliga speel he van 2008 bit 2010 för de OSG Baden-Baden, in de Swiez speel he för de Schachgesellschaft Winterthur.

Weblenken[ännern | Bornkood ännern]

Commons-logo.svg Fabiano Caruana. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Bericht bei chessbase.com
  2. Italieensch Eenzelmeesterschap 2006 (engelsch)
  3. Italieensch Eenzelmeesterschap 2007 (italieensch)
  4. Turnierseite (italieensch)
  5. 70° Campionato Italiano Assoluto, abgerufen am 6. Dezember 2010
  6. 71. Campionato Italiano Assoluto, afroopen an' 15. Dezember 2011
  7. Sparkassen Chess Meeting 2012 - 40. Internationale Dortmunder Schachtage up TeleSchach