Evgenij Najer

Vun Wikipedia
Wesseln na: Navigatschoon, Söök
Jewgeni Najer, 2008

Jewgeni Najer (russ. Евгений Юрьевич Наер; bi de FIDE Evgeniy; * 22. Juni 1977 in Moskau) is en russisch Schach-Grootmeester.

Najer hett mit fiev Johren Schach vun sien Vader lernt. Sien Trainer weer lang Alexander Petrovich Bodisko; siet de sien Dood versöcht Najer ahn Trainer uttokommen. In de russisch Mannschapsmeesterschap speel he eerst för Norilsky Nickel, siet Midden vun de 2000er-Johren für TPS Saransk un 2009 för Moskau 64. In de Schachbundsliga-Saison 2007/08 speel he för den SV Wattenscheid. Mit Husek Wien wunn he in sien eerste Saison, 2008/09, de öösterrieksch Mannschapsmeesterschap.

Najer wunn de russisch Jöögdmeesterschap U20. 1996 wunn he en Turnier in Pardubice, 1998 kunn he nochmal in Pardubice winnen, wobi he sien eerste GM-Norm schafft hett. Den Titel kreeg he 1999. In’ August 2002 kunn he dat US Open in Cherry Hill Township, NJ winnen, in’ März 2004 dat Capelle-la-Grande-Open. In’ Juli 2005 wunn he dat Maccabiah-Turnier in Jerusalem un in’ Februar 2007 dat Moskau Open. Den President's Cup in Baku wunn he in’ Mai 2008, in’ Juli 2008 un Juli 2009 dat World Open in Philadelphia.

Sien aktuell Elo-Tall bedrocht 2672 (Stand: Juli 2010), de bither hööchste Elo-Tall 2682 in’ Oktober 2008. Sien best FIDE-Weltranglistenposition weer de 27. Platz in’ Juli 2006.

Weblenken[ännern | Bornkood ännern]