Ernst Falkbeer

Vun Wikipedia
Wesseln na: Navigatschoon, Söök

Ernst (oder Ernest) Karl Falkbeer (* 27. Juni 1819 in Brünn; † 14. Dezember 1885 in Wien) weer en bedüüdend öösterrieksch Schachmeester vun dat 19. Johrhunnert.

Falkbeer keem nah Wien, um Juristeree to studeeren, hett de Utbildung aber afbraken un wurr Journalist un Mitarbeiter vun freesinnig utländisch Zeitungen. In dat Revolutionsjohr 1848 muss he ut Wien nah Düütschland flüchten. In Leipzig, Berlin, Dresden un Bremen funn he würdige Schachpartner. He speel ünner annern mit Anderssen un Dufresne.

1853 kunn he nah Wien torüch, wo he denn twee Johr later de Wiener Schachzeitung grünnd hett. Anschließend gung he nah England un hett dor de Schachspalt vun de Sunday Times in London leit. In tallriek Eenzelwettkämpen. ünner annern tegen Bird un Brien, kunn he sien Meesterklasse bewiesen. In dat Turnier vun Birmingham 1858 keem he up den tweeten Platz.

Falkbeers best historsch EloTall bedroch 2524. De kreeg he in’ Januar 1856. In de Johren vun 1855 bit 1858 leeg he mehrmals up Platz 5 vun de Weltranglist.

Falkbeer hett ok eenig Bidrääg to the Schachtheorie leist, so hett he dat nah hüm nömmt Falkbeer-Gegengambit in de Turnierpraxis inföhrt - en Versöök mit good Utsichten, in’ Königsgambit as Nahtreckender dör en Bueropfer de Initiative to övernemmen un den Gegner intoengen. Tarrasch weer sogor de Meenen, dat dormit das Königsgambit wedderlegt weer.