Eric Heiden

Vun Wikipedia

Eric Arthur Heiden (* 15. Juni 1958 in Madison, Wisconsin) is en ehmaliger US-amerikaansch Iesflinklöper.

Heiden gellt as en vun de völsiedigst Iesflinklöper in de Historie vun den Iesflinkloop. As eenzigen männlichen Deelnehmer bit dorhen gelung hüm dat, sämtlich to vergeeven Goldmedaillen in't Iesflinkloop bi Olympisch Winterspelen to winnen. Dat hett he bi de Winterspelen 1980 in Lake Placid schafft, wo fief Wettbewerbe dörführt wurrn. Sien Süster Beth Heiden wunn bi de glieker Spelen en Bronzemedaille. Dormit wunn de Familie Heiden de Hälft vun all wunnen Medaillen vun de USA bi disse Winterspelen.

En vergliekbor Leistung as Leistung as Eric Heiden broch aber bi de Fruen, 16 Johr tovör de Russin Lidija Skoblikowa, de bi de Olympisch Winterspelen 1964 in all veer utschreven Loopstrecken wunn.

Eric Heiden, de berühmt för den Dörmeter vun sien Böverschenkel weer, bleev ok nah sien Karriere völsiedig. In' Radsport wurr he 1985 US-amerikaansch Straatenmeester un 1986 nehm he för 7-Eleven an de Tour de France deel, muss aber wegen Störtfolgen nah de 18. Deelstreck upgeven. He arbeit hüüd as Sport-Orthopäde in den USA. In disse Eegenschap hett he de US-amerikaansch Iesflinkloop-Mannschap bi de Olympische Winterspelen 2000 in Salt Lake City betrüet.

Ehrungen[ännern | Bornkood ännern]

Weblenken[ännern | Bornkood ännern]