Eosinophilie

Vun Wikipedia
Wesseln na: Navigatschoon, Söök
Eosinophil Granulozyt

Eosinophilie oder ok Azidophilie (in de Histologie as Mitochondrienriekdom betekent), is en medizinschen Fackbegreep för en to hoge Tall vun eosinophile Granulozyten (kort: Eosinophilen) in’t Bloodbild. Se stellt en Sünnerform vun de Leukozytoos dor.

Funkschonelle Anmarken[ännern | Bornkood ännern]

Eosinophilen warrt in’t Knakenmark ünner dat Inwirken vun Interleukin-5 produzeert. Se verholt sik , wat dat Spiekern un dat Freesetten angeiht, jüst so as de neutrophilen Granulozyten. De Eosinophilen sünd en Hööftkumponent, wenn dat in’n LIef üm Överfienföhligkietsreakschonen geiht. Wenn sik Antigenen vun Pareasiten oder Allergenen an sünnere IgE an Mastzellen binnt, warrt dor Histamin freesett, dat de Eosinophilen anlocken deit.

De Eosinophilentall in’t Blood wiest de Knakenmarksprodukschoon oder de Nafraag un den Verbruuk vun disse witten Bloodkörpers an. En Reeg vun Krankheiten hebbt en düütliche eosinophile Sweerantwoort to Folg, wat aver nich jümmer as en Eosinophilie in’t Blood to sehn wesen mutt. De Referenzweerten för de normale Tall vun Eosinophilen ännert sik bannig över vescheedene gograafsche Rebeden. In’n Süüden gellt düütlich högere Weerten as normal as in de nöördlichen Rebeden. Wenn de Tall vun de Eosinophilen anstiegen deit, is dat faken en Teken dorför, dat Krankheiten indämmt warrt. Dorüm warrt se ok faken as „Morgenroot vun’t Gesundwarrn“ betekent.

Oorsaken[ännern | Bornkood ännern]

En fakene Oorsaak för de Eosinophilie stellt de Allergien dor, sünners Överfienföhligkeitsreakschonen, de mit dat IgE to doon hebbt. Ok eenige Parasiten (as to’n Bispeel Lebberiel, Nematoden oder Ektoparasiten) künnt en Eosinophilie utlösen. Bito künnt ok eenige chroonsche granulomatöse Krankheiten dör Pilzen oder Frömdkörpers mit en Anstiegen vun de Eosinophilen verbunnen wesen.

En poor Neoplasien as to’n Bispeel Mastzelltumoren (roor ok Lymphomen) künnt ok en Eosinophilie utlösen. De eosinophile Leukämie is en rore Krankheit bi Katten

Faken kummt en Eosinophilie tosamen mit en Basophilie vör.

Utwirkung[ännern | Bornkood ännern]

De Eosinopohilie is normalerwies en natürlichen Bestanddeel vun de Immunreakschoon vun’n Lief. Wenn de Utorden deit, hannelt sik dat üm en Hypereosinophil Syndrom.

Eosinopenie[ännern | Bornkood ännern]

De Eosinopenie is dat Gegendeel, neemlich en to siete Tall vun eosinophile Granulozyten in’t Blood. De kann dör en högere Billn vun Glukokortikoiden in de Nevenneer (to’n Bispeel dör Stress) oder dör Gaav vun disse Hormonen utlöst warrn.

Kiek ok[ännern | Bornkood ännern]