Enckesch Komet

Vun Wikipedia
Wesseln na: Navigatschoon, Söök
2P/Encke
Comet Encke.jpg
Egenschoppen vun’n Orbit
(Simulatschoon)
Orbitklass kortperioodsch
Perihel — Aphel 0,339 — 4,097 AE
Bahnexzentrizität 0,847
Bahnnegen gegen de Ekliptik 11,8 °
Ümlooptiet 3,3 a
middlere Bahnsnelligkeit 69,53 km/s
Physikaalsch Egenschoppen
Dörmeter 4,8 km
Periheldörgang 6. August 2010
Albedo 0,047
Historie
opdeckt vun Jean-Louis Pons
an’n 27. November 1818
in

De Enckesche Komet (offizielle Beteken: 2P/Encke) is en kortperioodschen Komet, de na Johann Franz Encke nöömt is. Vun all bekannten Kometen hett disse de körtste Ümlooptiet.

Encke hett ümfangrieke Studien un Bereken anstellt un dordör verschedene Beobachten in de Johren 1786, 1795, 1805 un 1818 mit’nanner in Verbinnen bringen künnt. Sien Resultaten hett he 1819 in de Tietschrift Correspondance Astronomique publizeert un dat Torüchkamen vun den Komet för 1822 richtig vörutseggt.

Historie[ännern | Bornkood ännern]

Sien offiziellen Naam na, is Encke de tweete Komet na den Halleyschen Komet, de as perioodsch bestimmt weer. Sien eerst Beobachten weer an’n 17. Januar 1786 vun Pierre Méchain. As he 1975 torüch kamen weer, hett Caroline Herschel em opdeckt. 1805 un nochmol 1818 is de Komet vun Jean-Louis Pons opfunnen worrn. Denn eerst künn Encke all veer Beobachten op een enkelten Kometen torüchsluten. Ofschoonst Kometen normalerwies na jemehrn Opdecker nöömt warrt, is disse Komet na de Person betekent, de sien Ümloopbahn toeerst bestimmt hett. De Enckesche Komet weer as Teel för de Kometensond CONTOUR utsöcht, man de Misschoon is fehlslahn.

Ümloopbahn[ännern | Bornkood ännern]

De Ümloopbahn vun 2P/Encke

De Enckesche Komet löpt op en langtogene elliptische Ümloopbahn üm de Sünn. De sünnneegste Punkt hett en Afstand vun ruchweg 0,339 AE, wat in’t Rebeet vun de Merkur-Bahn liggt. De wietste Punkt vun de Ümloopbahn reckt mit 4,097 AE bit in’t Rebeet vun de Jupiter-Bahn. De Even vun de Ümloopbahn is üm 11,8° gegen de Ekliptik verkippt. Mit blots 3,3 Johren hett 2P/Encke de körtste Ümlooptiet vun all bekannten Kometen.

Al in’t 19. Johrhunnert weer faststellt, dat sik de Ümloopstiet vun den Enckeschen Kometn jümmer ’n lütt beten verkörten deit. Dat weer as en Bewies för den Äther ansehn, de mit sien Rievwedderstand vör’t Afbremsen verantwoortlich maakt weer. Vundaag weet man, dat dat Afbremsen dorvun kummt, dat in Sünnneeg Materie ut’n Kometenkarn in Form vun en Jet utstött warrt, de as en Oort Bremsrakete wirkt. Dordör verlütt de Komet ok jümmer mehr Materie, wat ok dorto föhrt, dat sien Helligkeit afnehmen deit. In föfftig Johren geiht de afsluute Helligkeit in’n Dörsnitt üm ruchweg 0,5sup>mag torüch. Sien Dörmeter warrt dorüm ok blots op ruchweg 4,8 km schätzt[1].

Steernsnuppen[ännern | Bornkood ännern]

De Enckesche Komet warrt mit den Meteorstroom vun de Tauriden tosamenbröcht. En poor Wetenschopplers glöövt, dat en Stück vun den fröher grötteren Komet in de Bronzetiet Schaden in’n Fruchtboren Halfmaand anricht hett. En mööglichen Bewies is en groten Inslagkrater in’n Irak. Man nipp un nau ünnersöcht worrn is de Struktur noch nich.

Kiek ok[ännern | Bornkood ännern]

Borns[ännern | Bornkood ännern]

  1. NASA JPL Small Body Database: 2P/Encke

Weblenken[ännern | Bornkood ännern]

Commons-logo.svg Enckesch Komet. Mehr Biller, Videos oder Audiodateien to’t Thema gifft dat bi Wikimedia Commons.