Emmanuel Frémiet

Vun Wikipedia
Wesseln na: Navigatschoon, Söök

Emmanuel Frémiet (* 6. Dezember 1824 in Paris; † 10. September 1910 in Paris) weer een vun de bedüüdensten franzöösch Bildhauer vun dat 19. Johrhunnert un hett tomeest Skulpturen vun Deerten in‘ Stil vun den Naturalismus un den Neoklassizismus anfertigt.

Frémiet sien Skulptur vun de Jeanne d'Arc in Paris

Leven[ännern | Bornkood ännern]

Kindheit un Lehrtiet[ännern | Bornkood ännern]

Emmanuel Frémiet wurr as Kind vun en middelständisch Familie in Paris boren. Sien Familie weer eng mit de Kunst verbunnen, tomal sien Moder en Künstlerin un sien Cousine Sophie en Malerin weer. Sophie, de mit den berühmten Bildhauer François Rude verheiraadt weer, hett hüm besünners ünnerstütt. Mit fiev Johren keem he an en Privatschool, an de sien künstlerisch Talent fördert un fordert wurr. All mit 13 Johren wurr he vun de renommeert École des arts décoratifs annommen. Bi den Maler Jacques-Christophe Werner hett he mit 16 Johren en Lehr antreden. Wiel he so talenteert weer, kreeg he glieks de Arbeit vun en Lithographen towiest. Frémiet hett denn de Vörteknungen för Werners Gemälde anfertigt. Tosätzlich verbroch he völ Tiet in de Jardin des Plantes un in zoologisch Gordens in Paris, üm Studien vun Deerten antofertigen. Doröver herut hett he, as völ vun sein Tietgenossen, in Liekenhüüs tekent un hett dood Deerten utnanner nommen, um de Muskel- un Knakenstruktur nipp un nau nah to vulltrecken.

Disse Studien weern de Grundlaag för sien laatere bannig detailriek Skulpturen. Schließlich nehm hüm François Rude bi sück as Lehrling up.

Tiet as Beropsmaler[ännern | Bornkood ännern]

All 1843 stell he sien eerst Skulptur (en Gazelle) up den Pariser Salon (Salon de Paris) ut, wo he während sien ganz Schaffenstiet eegen Utstellungen afhull. In de Folgetiet spezialiseer he sück up lütt Skulpturen vun Deerten ut Bronze, deren Material he in sien eegen Geeteree anfertigen de, un de tallriek Utteknungen un Pries wunnen. Disse Warken hett he in sien Warksteden un Geetereen (42 Boulevard du Temple, later Faubourg Saint-Honoré) verköfft.

Sien eersten apenlichen Updrag kreeg he 1849, sietdem hett he so völ Warken för den Staat un sünners för de Stadt Paris makt as kien anner Bildhauer.

Van 1855 bit 1859 hett he en Reeg vun Riederstandbiller för den franzöösschen Kaiser Napoléon III. makt. Ok in disse Thematik hett he sien Können nahwiest, wat he laater ok för anner Updraggever ünner Bewies stellt hett. Mit den Utbröök vun den Düütsch-Franzöösch Krieg 1870 wurr Frémiet bi den Anblick vun so völ Gewalt in sien Schaffenskraft entmoodigt. Während de Belagerung vun Paris is he ut de Stadt flücht. As he later torüchkeem, weer sien Huus utplünnert. Disse Tiet weer de Deeptpunkt vun sien Leven, un he wull gar nich mehr Künstler ween. Dat hett sück denn aber ok woll weer geven, denn in de folgend Johren hett he noch sien bedüüdenst Skulpturen schafft.

Nah den Düütsch-Franzöösch Krieg[ännern | Bornkood ännern]

Frémiets Skulptur in Neudeck

Ok wenn he dormals en bannig spannt Verhältnis to dat Düütsch Riek harr, nehm he en Updrag vun den Grafen Guido Henckel von Donnersmarck an un hett för hüm för sien Slottpark in Neudeck in Böverschlesien tallriek levensgroot Skulpturen vun kämpend Deerten as ok en Pütt an.

1875 wurr he as Perfesser för Teknung vun de Jardin de Plantes vörslahn. Frémiet weer Direkter vun de Skulpturenafdeelen vun den Louvre un ok en fraagten Utbiller in sien Fackrebeet. Dat weer nich selten, dat he 20 Schölers ünnerricht hett. He hett en grooten Infloot up sien amerikaansch Schöler utöövt, deren berühmtester Augustus Saint-Gaudens weer.

44 Jahre nah sien eerst Deelnahm an de Salon Utstellung wunn he 1887 hier de Ehrenmedaille för sien Skulptur Gorilla mit Fru. Dat sünd denn noch anner Warken för dat Pariser Naturkunneuseum nahkommen. 1892 wurr he Liddmaat vun de Académie des Beaux-Arts vun dat Institut de France un wurr Nahfolger vun Antoine-Louis Barye as Perfesser för Deertenteken an dat Muséum national d'histoire naturelle in Paris. Frémiet, de en vun de bedüüdenst franzöösch Deertenbildhauer weer un disse Stilricht to hör Beleevtheit verhulp, is 1910 mit 86 Johr in sien Heimatstadt Paris storve. He wurr up den vun de Adel bevörtoogt Karkhoff Passy bisett.

Sien Warken wurrn an de Pariser Geeteree Barbedienne verköfft, mit hör Siegel versehn un bit to’n Eersten Weltkrieg behollen. Hüüd sünd sien Warken bi Sammlers bannig begehrt un teken sück dör hör sanft, elegant Tüüd ut. In Paris kann man sien Standbiller tallriek andrapen.

Warken[ännern | Bornkood ännern]

Riederstandbild vun den Bertrand du Guesclin, Dinan
Le Dénicheur d'oursons, Jardin des Plantes, Paris
  • Riederstandbild Louis d'Orlans (vör dat Château de Pierrefonds), 1869
  • Riederstandbild Jeanne d'Arc (Place des Pyramides, Paris), vergoldet Bronze, upstellt 1874, 1889 vun hüm dör en nee Standbild ersett
  • Fontaine des Quatre parties du monde (Pütt vun de veer Eerddeelen, blots de Peer, Place Camille Jullian in Paris), Fardigstellt 1875
  • Skulpturen vun kämpend Deerten un en Nahbildung vun de Pariser Eerddeelen-Pütt (Schlosspark Neudeck in Oberschlesien)
  • Standbild Diego Velazquez (Jardin de l'Infante bi den Louvre, Paris)
  • Ankett jung Elefant in Natuurgrött (Platz vör dat Musée d'Orsay, Paris), Bronze (2,22 m x 3,60 m x 3,12 m), 1877-1878
  • Statue vun de mit de Draak kämpend Ierrzengel Michael (up de Karktoorntipp vun Mont-Saint-Michel), vergoldet Bronze, erricht 1897
  • Riederstandbild Bertrand du Guesclin (in Dinan), upstellt 1902

Literatur[ännern | Bornkood ännern]

  • Jacques de Biez: Un maître imagier. E. Frémiet. Aux bureaux de l'Artiste, Paris 1896
  • Jacques de Biez: E. Frémiet. Jouve, Paris 1910
  • Phillippe Fauré-Frémiet: Frémiet. Plon, Paris 1934
  • Catherine Chevillot: Emmanuel Frémiet. La main et le multiple. Katalog des Musée des Beaux-Arts de Dijon, Dijon 1988, ISBN 2-900462-28-2
  • Pierre Kjellberg: Les bronzes du XIXe sièle. Dictionnaire des sculpteurs. L'Amateur, Paris 1987, ISBN 2-85917-066-9 (englische Ausgabe: Bronzes of the 19th Century. Dictionary of sculptors. Schiffer, Atglen (Pennsylvania) 1994, ISBN 0-88740-629-7)

Weblenken[ännern | Bornkood ännern]

Commons-logo.svg Emmanuel Frémiet. Mehr Biller, Videos oder Audiodateien to’t Thema gifft dat bi Wikimedia Commons.