Emir Kusturica

Vun Wikipedia
Wesseln na: Navigatschoon, Söök
Emir Kusturica 2009

Emir Kusturica (kyrillsch Емир Кустурица; * 24. November 1954 in Sarajevo) is en Filmmaker, de in Bosnien-Herzegowina boren is un hüüt in Belgrad leevt un de serbsche Staatsbörgerschop hett.

Kusturica studeer an de Filmhoochschool FAMU in Prag.

In siene Filmen verarbeidt he politische Themen un wörr dorüm ok faken Angrepen utsett - to de Tiet vun Tito vör allen in't egene Land. So hannelt de Film „Otac na službenom putu“ vun en politischen Gegener, de op eenmal verswunnen is. Later wörr he veel wegen sien, so warrt't seggt, proserbsche Sicht op den Krieg in'n Film „Underground“ kritiseert.

Buten vun Jugoslavien wörr Kusturica sünnerlich dör Filmen as Time of the Gypsies un Crna macka, beli macor bekannt, in de he in temlich quicke Wies dat faken brutale Leven vun de Roma wiest.

In't Johr 2004 löpp sien Film Život je čudo bi de Filmfestspelen in Cannes; de Kritik, vör allen ut Düütschland, weer aver kuum begeistert. De Jury dorgegen geev em den Pries Prix de l'Education Nationale „för sien filmisch un pädagogisch Intresse as ok siene künstlerische Gööd“. De Dreihoort vun den Film in'n süüdoostlichen serbschen Bezirk Zlatibor in de Neeg vun de bosnische Grenz warrt ünner Leid vun Kusturica siet 2004 as Dörp in ole Bowies utboot. In dat Dörp hett sik in de Twüschentiet ok Kusturica sülvst ansiedelt.

In't Johr 2005 weer he de Jury-Baas bi de 58. Filmfestspelen vun Cannes.

In'n Mai 2005 konverteer Kusturica vun'n Islam to de Serbsch-Orthodoxe Kark. He lett sik in't montenegrinsche Klooster Savina in de Neeg vun Herceg Novi op den Naam Nemanja Kusturica döpen.

Kusturica maakt ok Musik mit en egene Grupp, de The No Smoking Orchestra (fröher ok Zabranjeno pušenje) heet.

Filmografie (Utwahl)[ännern | Bornkood ännern]

Johr Titel Funkschoon Synchroonsnacker
1978 Guernica, Kortfilm Dreihbook
Speelbaas
1981 Sjećaš li se Dolly Bell
dt.: Erinnerst Du Dich an Dolly Bell?
Dreihbook
Speelbaas
1985 Otac na službenom putu
dt.: Papa ist auf Dienstreise
Speelbaas
1987 Strategija svrake Dreihbook
1989 Dom za vešanje
dt.: Die Zeit der Zigeuner
Dreihbook
Speelbaas
1993 Arizona Dream Dreihbook
Speelbaas
Dorsteller
 
1995 Underground Dreihbook
Speelbaas
Dorsteller
1998 Crna mačka, beli mačor
dt.: Schwarze Katze, weißer Kater
Dreihbook
Speelbaas
2000 La veuve de Saint-Pierre
dt.: Die Witwe von Saint-Pierre
Dorsteller
2001 Super 8 Stories Speelbaas
Produzent
Dorsteller
2002 The Good Thief
dt.: Der Dieb von Monte Carlo
Dorsteller
2004 Život je čudo
dt.: Das Leben ist ein Wunder
Dreihbook
Speelbaas
Produzent
2007 Hermano Dorsteller
2007 Zavet
dt.: Verprich es mir!
Dreihbook
Speelbaas
Produzent
2008 Maradona by Kusturica
dt.: Die Hand Gottes – Emir Kusturica trifft Diego Maradona
Speelbaas
2009 L’affaire Farewell Dorsteller
2011 Nicostratos le pélican Dorsteller
2012 7 días en La Habana Dorsteller

Filmpriesen[ännern | Bornkood ännern]

Weblenken[ännern | Bornkood ännern]