Ellison Shoji Onizuka

Vun Wikipedia
Wesseln na: Navigatschoon, Söök

Ellison Shoji „El“ Onizuka (* 24. Juni 1946 in Kealakekua, Big Island, Hawaii; † 28. Januar 1986 bi Cape Canaveral, Florida) weer en US-amerikaansch Astronaut, de bi de Challenger-Katastrophe to Dood keem.

Leven[ännern | Bornkood ännern]

Ellison Onizuka weer de oldste Söhn un dat tweetjüngst Kind vun Masamitsu un Mitsue Onizuka. He harr twee öllere Süsters un en jüngeren Bröer.

1964 hett he de Highschool afslooten. 1969 kreeg he en Bachelor in Ruumfohrttechnik un to’n Enn vun dat sülvig Johr ok noch den Master in dat glieker Fach.

Onizuka hett Lorna Leiko Yoshida heiraadt, as he sien Studium an de University of Colorado afslooten hett. Mit hör harr he twee Döchter.

Air-Force-Karriere[ännern | Bornkood ännern]

In‘ Januar 1970 is Onizuka in de United States Air Force intreden, wo he as Testfloogingenieur un Testpilot arbeiten dee.

Van August 1974 bit Juli 1975 hett Onizuka de US Air Force Test Pilot School besöcht. In’ Juli 1975 wurr he to dat Testfloogcenter an de Edwards Air Force Base in Kalifornien inberopen. Hier wurr he Testfloogingenieur un hett later as Manager för den technischen Support arbeit. As Testpilot kunn Onizuka över 1700 Floogstunden noteeren.

NASA-Karriere[ännern | Bornkood ännern]

1978 is Onizuka as Astronaut vun de NASA utsöcht wurrn un een Johr later har he sien Training fardig. Later hett he denn in dat Orbiter-Test-Team un in de Startunterstüttensmannschap bi dat Kennedy Space Center för de Missionen STS-1 un STS-2. Bi de NASA hett he denn in dat Team för Softwareverbeetern för de Shuttle-Elektronik (SAIL) arbeit. He weer buterdem as Crewkoordinator för verscheeden Missionen tostännig.

In sien Tiet bi de NASA bleev Onizuka Liddmaat vun de US-Luftwaffe, un so wurr he för de Mannschap vun den eersten Floog för dat amerikaansch Verdefferendenministerium utwählt. De Mission wurr aber üner de Beteken STS-10 bzw. STS-41E tweemal afseggt.

De darte Versöök weer denn doch spoodriek. Ünner de Missionsbeteken STS-51-C is he mit de Ruumfähr Discovery an‘ 24. Januar 1985 in’t All start. De Anner Crew-Liddmaaten weern Kummandant Ken Mattingly, Pilot Loren Shriver, Missionsspezialist James Buchli un Bruuklastspezialist Gary Payton. De Mission düer 74 Stünn. Wiel dat all geheim weer, hett man över de Mission ok nich völ erfohren.

Onizuka wurr denn utwählt för de Mission STS-51-L mit dat Space Shuttle Challenger, de an‘ 28. Januar 1986 um 11:38 Ühr Oortstiet vun dat Kennedy Space Center in Florida afhaben is. De anner Crew-Liddmaaten weern Kommandant Dick Scobee, Captain Michael John Smith, Missionsspezialisten Ronald Erwin McNair, Judith Arlene Resnik un de Bruuklastspezialisten Gregory Bruce Jarvis un Sharon Christa McAuliffe. Dör en Leck in den Drievstofftank is de Challenger aber nah 73 Sekunn explodeert un all söben Besattensliddmaaten keemen to Dood.

To’n Tietpunkt vun sien Todes harr Onizuka den Rang vun en Lieutenant Colonel.

De Onizuka Air Force Station Sunnyvale in Kalifornien, dat Onizuka Center for International Astronomy an dat Mauna Kea Observatorium un dat Astronaut Ellison S. Onizuka Space Center an‘ Kona International Airport in Hawaii wurrn nah hüm nömmt.

Buterdem wurr en Asteroid, de vun Edward L. G. Bowell an‘ 8. Februar 1984 opdeckt wurr, nah hüm nömmt: (3355) Onizuka un en Krater mit en Dörmeter vun 29 km up den Maand: Onizuka-Krater. Little Tokyo in Los Angeles hett en Straat nah hüm nömmt, genauso as Clear Lake, wo de Straat mit sien Naam de Grundschool inrahmt, de sien Döchter 1986 besöcht hebbt.

Trivia[ännern | Bornkood ännern]

  • Onizuka wurr vun Keone Young in den kontrovers diskuteerten TV-Film Challenger porträteert. Disse Film wurr gegen den Willen vun de Angehörigen vun de Opfer vun de Katastrophe produzeert.
  • In de Feernsehreeg Star Trek: The Next Generation (Episode: Die Macht der Paragraphen) drocht en Shuttle, dat an Bord vun de USS Enterprise insett wurr, sien Naam.

Weblenken[ännern | Bornkood ännern]

Commons-logo.svg Ellison Onizuka. Mehr Biller, Videos oder Audiodateien to’t Thema gifft dat bi Wikimedia Commons.