Elane

Elane is en düütsche Folk-Grupp ut dat Suerland. Jemehr Leder sünd gröttstendeels engelsch sungen, eenige aver ok hoochdüütsch. Bito hebbt se ok en Leed op Elbisch opnahmen.

Historie vun de Grupp

De Grupp is 2001 vun de beiden Musikers Joran Elane (Singer un Tin Whistle) un Skaldir (Singer un Gitarr) grünnt worrn. Wieter höört aktuell noch Nico dorto, de Keyboard speelt, as ok Simon, de mit Vigelien un Klarinette bistüürt.

Elane sünd ünner annern op’t Wave-Gotik-Drapen un dat M’era Luna Festival optreden. In’n Dezember 2005 weer de Grupp tosamen mit de US-amerikaanschen Grupp Unto Ashes op Düütschland-Tour. Twee Johren later, 2007, geev dat mehrere Kunzerten tosamen mit de Grupp Faun un In the Nursery as ok en Düütschland-Tour mit Dornenreich un Neun Welten. 2008 weern se op Tour mit Qntal.

In’n November 2008 hett Elane mit dat Leed Nen Ar Tasar (You See) dat Titelleed to de 8. Staffel vun de Höörspeelreeg Edgar Allan Poe bistüürt. För dat Album Arcane, dat 2011 rutkamen is, hett de Grupp mit den düütschen Fantasy-Schriever Kai Meyer tosamenarbeit. De Leder op dat Album dreiht sik dorbi üm Themen un Figuren ut Meyer sien Romanen.

Diskografie

• 2004 – The Fire of Glenvore (Kalinkaland Records)
• 2005 – Love can’t wait E.P. (Kalinkaland Records)
• 2006 – Lore of Nén (Distinct Music, Omniamedia)
• 2008 – The Silver Falls (Curzweyhl, Omniamedia / Rough Trade)
• 2011 – Arcane (Curzweyhl, Rough Trade)
• 2017 - Arcane 2
• 2023 - Blackvale

Weblenken

• Offizielle Websteed vun de Grupp (Hoochdüütsch)