Eimsbüttel

Vun Wikipedia
Wesseln na: Navigatschoon, Söök

Dat lett so, as wenn disse Artikel nich so akraat is as de ween schull. Kiek ok op de Diskussionssiet vun den Artikel.

Bezirk Horborg Bezirk Altna Bezirk Eimsbüttel Hamborg-Noord Bezirk Wandsbeek Bezirk Bardörp Hamborg-Midd Neddersassen Sleswig-Holsteen Neewark
Laag von Eimsbüttel in Hamborg (Koort lett sik anklicken)
Eimsbüttel binnen Hamborg

Eimsbüttel is

  • en Stadtdeel un
  • de nordwestliche von de söben Stadtbezirke in Hamborg.

De Stadtdeel hett 54.823 Inwohners (in't Johr 2010).
De Bezirk hett 245.979 Inwohners (in't Johr 2010) un hett 'n Fläch von 50,1 km². [1]

Von den Stadtdeel Eimsbüttel (ook "Eimbüddel") is besünners dat Schanzenveerdel bekannt, wat deels to Eimsbüttel, deels to Altona un to’n Deel ok to St. Pauli höörn deit.

To den Bezirk höörn ook de feinen Stadtdeel Harvstehude un de Rode Boom (no'n Slagboom an't Dammtor nöömt) an de Butenalster; to'n Roden Boom höört owers ook dat Uni-Viddel mit den Grinnel, woneem freuher de Juden wohnt hebbt un ehr Lodens harrn.

Wieder buten liggt Stellingen mit Hagenbeck sien Deertenpark (kott "Hogenbek" nöömt), Lokstedt mit den Norddüütschen Rundfunk (NDR), Niendörp mit sien ole Kark un dat Niendörper Holt, Eidelstedt, wat nich bloots Giftmüllskandol as in't Johr 1979, man ook noch 'n Feldmark mit Wischenvogels to beeden hett, un ganz in'n Nordwesten Snelsen.

Dör dat "Kerngebiet" löppt de Isebekkanol mit de lütt Ottersbek, wieder buten löppt de Kollau mit 'n scheunen Wannerweg.

Quellen[ännern | Bornkood ännern]

  1. Statistik Nord

Weblinks[ännern | Bornkood ännern]

Commons-logo.svg Eimsbüttel. Mehr Biller, Videos oder Audiodateien to’t Thema gifft dat bi Wikimedia Commons.