Eier-Kumquat
| Eier-Kumquat | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Systematik | ||||||||||||||
| ||||||||||||||
| Wetenschoplich Naam | ||||||||||||||
| Fortunella margarita | ||||||||||||||
| (Lour.) Swingle |
De Eier-Kumquat (Fortunella margarita), de ok Dwargappelsien nöömt, is en Plantenoort ut dat Geslecht vun de Kumquats in de Familie vun de Rutenplanten (Rutaceae). As all de annern Orden ut dat Geslecht kummt ok disse ut Asien. As ehr egentliche Heimat warrt dat süüdööstliche China annahmen.
Beschrieven[ännern | Bornkood ännern]
De Eier-Kumquat wasst as jümmergrönen Struuk un warrt dorbi bit to dree Meter groot. Ehr Blööd sünd ledderordig un düstergröön. De Plant kummt mit de Küll teemlich goot torechtun se kann ok lichten Frost af. Se is swackwassig, kann aver ’n grote Tall vun Frücht an’n Struuk ansetten.
De Blööt is mit 1,5 bit 2 Zentimeter Dörmeter teemlich lütt. Se is rein witt un wiest sik in de Blattasseln vun de vörjohrigen Langdrieven. Faken kummt de Blööt eerst af Mai oder Juni vun wegen de ümfaten Winterroh. För’n gote Blödenbilln bruukt de Eier-Kumquat en kolen, hellen Standoort to’n Överwintern.
Systematik[ännern | Bornkood ännern]
De portugeesche Botaniker João de Loureiro hett de Plant 1790 in sien Flora cochinchinensis ünner den Naam Citrus margarita beschreven.[1] De Eerstbeschrieven vun den US-amerikaanschen Botaniker Walter Tennyson Swingle, de vundaag gellt, is 1915 publizeert worrn.[2]
De Eier-Kumquat is de Kumquat, de an’n meisten mücht warrt un an’n fakensten to’n Verkoop anboden warrt. De Frücht warrt ruchweg so groot as’n Dattel un hebbt en söötsüerlichen Smack. Sünners fein sünd Stammformen, de op Citrus volkameriana (Volkamer Zitroon) un op Citrus aurantium (Bitterapelsien) vereddelt worrn sünd.
Weblenken[ännern | Bornkood ännern]
- Eintrag und Datenblatt bi Plants for a Future (eng.)
Literatur[ännern | Bornkood ännern]
- Walter T. Swingle, Philip C. Reece (1967): The Botany of Citrus and Its Wild Relatives. In: W. Reuther, H. J. Webber, L. D. Batchelor (Rgv.): The Citrus Industry. Bd. 1. University of California. [1]
- Bernhard Voß (1997): Citruspflanzen von Tropisch bis Winterhart. Humbach & Nemazal, ISBN 3980552136
- Bernhard Voß (2005): Zitruspflanzen. Franckh-Kosmos Verlags-GmbH, ISBN 3-440-10174-6
Borns[ännern | Bornkood ännern]
- ↑ Fl. cochinch. 2:467. 1790; siehe Eintrag bei GRIN Taxonomy for Plants.
- ↑ J. Wash. Acad. Sci. 5:167, 170. 1915; siehe Eintrag bei GRIN Taxonomy for Plants.