Eerdelektrik

Vun Wikipedia
Wesseln na: Navigatschoon, Söök

De Eerdelektrik is en wetenschopplich Rebeet, dat to de Anwendte Eerdphysik tellt. De Eerdelektrik faat de Meetverfohren tohopen, de mit dat Inbringen vun elektrischen Stroom un dat nafolgend Utmeten vun’t elektrische Feld an de Eerdbavenflach, de (böversten Schichten vun de) Eerdköst ünnersöken doot.

Anwendt warrt ünnern annern:

För de Methoden mit künstlich Inspiesen gifft dat ’n Reeg ünnerscheedlich Anorden. Faken warrt de Veerpunktanorden bruukt, bi de dat twee Elektroden A,B den Stroom toföhren doot, un twee Sonden M,N to’n Meten vun’t Potential bruukt warrt. Blots bi disse Anorden kann de Övergangswedderstand an de Elektroden wegrekent warrn.

De Anorden vun Sonden un Elektroden warrt tomeist as en Lien maakt. So künnt de Elektroden buten vun de Lien wesen un symmetrisch dortwüschen de Meetsonden. Dorbi betütt sik be utrekent spezifische Wedderstand vun’n Ünnergund op de Mitt vun de Lien. Aver ok nich-symmetrische Anorden sünd möglich, man, denn is de utrekent Weert nich mehr op de Mitt betogen.

De bedüdensten Konfiguratschonen hebbt egene Beteken un warrt in’n ünnerscheedlichen Sinn bruukt[1]:

  • Wenner-Anorden: Dit Verfohren warrt sünners to’n Karteeren an’n fakensten anwendt. Bi de Wenner-Anorden hebbt de Elektroden un de Meetsonden den lieken Afstand vun’nanner. Man ünnerscheed na de Folg vun Sonden un Elektroden twüschen de α-, β- un γ-Wenner-Anorden. Bi de α-Konfiguratschoon leegt de Sonden in de Mitt, bi de β-Anorden leegt de Elektroden op de een, de Sonden op de annern Siet un bi de γ-Utlaag wesselt sik Elektroden un Sonden af.
  • Schlumberger-Anorden: Bi dat Schlumberger-Verfohren sünd de Meetsonden in de Mitt, man de Elektroden warrt in’n groten Afstand dorto opstellt. Jüst as de Wenner-Anorden is de Schlumberger-Methood sünners goot egent för deepe Ünnersöken.
  • Dipool-Dipool-Anorden: Dorbi warrt de Elektroden un de Sonden poorwies opstellt mit groten Afstand twüschen de Poren. Disse Methood is sünners goot egent för eerdelektrische Tomografie.
  • Pool-Dipool-Anorden: Wobi dat Sondenpoor dicht bi’nanner steiht un de een Elektrood ’n beten grötteren Afstand hett. De tweete Elktrood warrt dorgegen wiet weg opstellt. Dit Verfohren egent sik sünners för’t Karteeren.

De Meetweert, de bi de Eerdelektrik bestimmt warrt, is de schienbore spezifische Wedderstand \rho_s, de in de Eenheit \Omega \cdot m angeven warrt. De spezifische elektrische Wedderstand seggt wat ut över de Vermögen vun’n Ünnergrund, den elektrischen Stroom to leiden un gifft dormit de Möglichkeit to kieken, wat goot de Bodden in watvun Deep den Stroom leiden deit.

Anwendt warrt de Eerdelektrik sünners bi’t Opdecken vun Grundwater föhrend Schichten, bi’t Söken vun Ooltlasten oder ok to’n Opdecken vun fröhere Wahnsteden un Bowarken bi de Archäologie. Vun’n Grundsatz her warrt de Verfohrens för twee Hööfttelen bruukt: to’n Sondeeren, wobi de Struktur ünner een Sondeersteed mit tonehmend Deep bestimmt warrt, un to’n Karteeren, wat de Strukturverdelen över en gröttere Flach dorstellt för en sünnert Deepenrebeet. Moderne Multi-Elektrodenverfohren verlööft ok dat gliektietige Sondeeren un Karteeren in en afgrenzt Rebeet, wat ok as eerdlektrisch Tomografie betekent warrt

Borns[ännern | Bornkood ännern]

  1. A. Berktold: Geoelektrik – Vierpunkt-Verfahren in: Martin Beblo (Rtg.) „Umweltgeophysik“, 1997 Ernst & Sohn Verlag, Berlin, ISBN 3-433-01541-4