Edgar Colle

Vun Wikipedia

Edgard Colle (* 18. Mai 1897 in Gent; † 20. April 1932 Gent) weer en belgisch Schachmeester.

Colle weer Schachspeler vun Berop un hett van 1922 bit 1931 an över 50 Schachturnieren deelnommen. Söss Mal weer he belgisch Landsmeester (1922, 1924, 1925, 1927, 1928 un 1929).

Bi de Amateurweltmeesterschap in Paris 1924 keem he up den darten Platz, noch vör Max Euwe.

In en Wettkamp in Antwerpen 1925 wunn he tegen George Koltanowski, de to disse Tiet de tweetbest Speler vun Belgien weer, klor mit 4:0 bi 3 Remisen.

Sein gröttste Erfolge bi internatschonal Turnieren weern eerste Plätze in Meran 1926 (vör Speler as Dawid Przepiórka, Rudolf Spielmann un Savielly Tartakower) as ok in Scarborough 1930, wo he Géza Maróczy, Akiba Rubinstein un Mir Malik Sultan Khan achter sück leet. Sien letzt Turnier weer Rotterdam 1931, dor keem he up den tweeten Platz (achter Salo Landau aber vör Savielly Tartakower un Akiba Rubinstein).

Colle weer tietlevens bannig kränkelk un kunn sien schachlich Talent dorüm nich vull utschöpfen. He sülvst hett aber sien Gesundheitstostand nie för weniger good Resultate verantwortlich makt. He weer fruendlich und eenfach un dorum bi sien Gegner good ansehn. Nah sien Dood nah en Magengeschwür hebbt hüm sowohl Max Euwe as ok Hans Kmoch bewegend Nahroopen widmet.

Nah hüm wurr en Eröffnungssystem nömmt, dat Colle-System.

Sien best Historsch Elo-Tall is 2619.

Literatur[ännern | Bornkood ännern]

  • Fred Reinfeld: Colle's chess masterpieces. Black Knight Press, New York 1936 (Nachdruck 1984, ISBN 0-486-24757-0)
  • Michel Wasnair und Michel Jadoul: Histoire des Maîtres Belges. Rossel, Bruxelles 1988

Weblenken[ännern | Bornkood ännern]